• USD 468.56

  • EUR 497.56

  • RUB 7.3

  • CNY 67.18

29 Naýryz, 10:08:23
Almaty
+35°

Áskerı sarapshylar AQSh pen Qytaı úshin eń qaýipti sát kelgenin málimdedi. Olardyń aıtýynsha, Ońtústik Qytaı teńizinde Beıjiń men Vashıngton áskerı manevrlerdi bir ýaqytta ótkizip, qaqtyǵys qateri kúsheıip keledi. Eki jaqtan da kemeler bir-birine qaýipti túrde jaqyndap, soǵysý múmkindigi artqan. Bul týraly Daily Express gazeti habarlady.

Shilde aıynyń basynda Beıjiń soǵys kemelerine daýly Parakel araldary mańynda áskerı-teńiz jattyǵýlar ótkizýdi buıyrǵan. Qytaıdyń bul áreketi Vetnamnyń  narazylyǵyn týdyrǵan.

Jaqynda Parakel araldarynyń mańyna AQSh soǵys ushaqtaryn tasymaldaýshy kemelerin jibergen. Oǵan qosa ıadrolyq bombalaýshy ushaǵyn da jóneltken.  

Aımaqta AQSh jáne japon kemeleri birge áreket etýde.

Osy aptada vetnamdyq general Vo Tıan-Trýng Qytaı men AQSh-tyń áskerı jattyǵýlary turaqsyzdyq pen shıelenisti, tipti, áskerı qaqtyǵys týdaratynyn eskertti. 

RAND korporasııasynyń taldaýshysy Endrıý Skobell de eskertýsiz ótkizilip jatqan áskerı jattyǵýlarǵa qarsy pikir bildirdi.

– Bul meni qatty alańdatady, – degen Skobell eki eldiń mundaı áreketteri óte qaýipti ekenin jetkizgen. 

Sıngapýrdaǵy S. Radjaratnam atyndaǵy Halyqaralyq zertteýler mektebiniń ǵylymı qyzmetkeri Ollı Pekka Sýorsa da óte jaqyn jerde áskerı jattyǵýlar ótkizýge alańdaýshylyǵyn jasyrmaǵan.

Sýorsa kóptegen soǵys kemeleri men áskerı ushaqtardyń bir-birine sonshalyq jaqyn ornalasýy soǵys qaterin kúsheıtetinin málimdedi.

Al ótken aptada AQSh qorǵanys sheneýnikteri Ońtústik Qytaı teńizindegi áskerı kúshter jattyǵýdy jalǵastyra beretinin jarııalaǵan.

"Qamshy" silteıdi
Ilmek sózder: AQSh Qytaı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir