13 Shilde, 2020 NEWS

Jol boıynda aza tutqan túrkistandyq dárigerlerdiń áreketi jelide narazylyq týdyrdy

zakon.kz

Túrkistanda oblysynda jol boıynda turyp koronavırýstan qaıtys bolǵandardy eske alǵan dárigerlerdiń áreketi áleýmettik jelide qyzý talqylanýda. Buǵan qatysty Túrkistan oblysy ákiminiń orynbasary Sáken Qalqamanov pikir bildirdi.

Onyń aıtýynsha, Túrkistandaǵy bas týdyń mańynda bir mınýt únsizdik jarııalanǵan. Onda polıseıler, qalalyq emhananyń qyzmetkerleri, oblys ákimi men apparat qyzmetkerleri qaıtys bolǵandardy aza tutqan.

Fleshmobty oblystyq týberkýlezge qarsy dıspanserdiń bas dárigeri uıymdastyrǵany belgili boldy.

– Shymkenttegi týberkýlez dıspanseriniń bas dárigeri qajet emes bastamany qolǵa alyp, aýrýhananyń búkil ujymyn syrtqy shyǵaryp aksııa ótkizdi. Dárigerlerdi osyndaı qıyn sátte mazalaý, bylaısha aıtqanda, qylmystyq ozbyrlyq, – dedi Sáken Qalqamanov.

Sondaı-aq belgili zańger Aıgúl Orynbek te dárigerlerdiń bul áreketine narazylyǵyn bildirdi.

– Dárigerlerdi syrtqa shyǵarýǵa kim buıryq berdi? Adamdar aýaǵa zar bolyp, dárigerler jetispeı jatqanda bulary nes? Túrkistan oblysyna qarasty aýrýhana! О́lip jatqan adam sizderge az bolyp otyr ma?, – dep jazdy zańger.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir