• USD 468.56

  • EUR 497.56

  • RUB 7.3

  • CNY 67.18

28 Naýryz, 19:15:12
Almaty
+35°

Tramp ákimshiliginiń burynǵy bas strategi Stıv Bannon Qytaıdan qashyp shyqqan vırýsologtar Batys barlaý qyzmetiniń qolynda ekenin aıtty. Bul týraly The Mirror basylymy habarlady.

Stıv Bannonnyń aıtýynsha, AQSh tyńshylary Beıjińge qarsy is júrgizip jatyr. Ol Ýhandaǵy vırýsologııa ınstıtýtynan vırýstardyń abaısyzda nemese ádeıi shyqqan bolýy múmkin ekenin aıtqan. Stıv Bannon Qytaı zerthanalary mamandarynyń Amerıkaǵa qashyp kelgenin jáne olar Batys barlaý qyzmetiniń qolynda ekenin jetkizdi.

Ol Beıjińniń koronavırýs týraly aqparatty jasyrýyn "aldyn-ala oılastyrylǵan kisi óltirý" dep málimdedi.

– Qashyp kelgenderdiń keıbireýi federaldyq tergeý bıýrosymen birge Ýhan ınstıtýtynda bolǵan jaǵdaıdy birlese ashpaq, – degen ol Ýhan zerthanasynyń qatty jumys istegenin jáne durys basqarylmaǵanyn jetkizgen. 

Mail-ge bergen suhbatynda Stıv Bannon "Olar buqaralyq aqparat quraldaryna áli aqparat bermedi, biraq Ýhan ınstıtýtynan jáne basqa zerthanalardan Batysqa qashqan adamdar bar jáne olar Qytaı kommýnıstik partııasy kináli ekeniniń dálelderin daıyndap jatyr. Meniń oıymsha, bul faktler jarııalansa, adamdar qatty tań qalady" dep málimdegen. 

Buǵan deıin Amerıkanyń FoxNews arnasyna Gonkongtan qashyp barǵan Lı-Men Iаn atty vırýsolog eksklıýzıvti suhbat bergen. Telearnanyń aqparatynsha, 28 sáýir kúni Amerıkaǵa qashyp barǵan Lı-Men Iаn Gonkongtyń qoǵamdyq densaýlyq saqtaý mektebiniń vırýsologııa jáne ımmýnologııa boıynsha mamandandyrylǵan bedeldi dárigeri. Iаn óziniń koronavırýsty zerttegen álemdegi alǵashqy ǵalymdardyń biri ekenin málimdegen. Onyń aıtýynsha, 2019 jyly ol ýnıversıtet pen DDSU anyqtamalyq zerthanasynyń jetekshisi doktory Leo Pýnmen birge jańa paıda bolǵan vırýsty zertteýge qatysqan. Ol 31 jeltoqsanda vırýstyń adamnan adamǵa juǵatyny rastalǵanyn aıtty. 

Alaıda 9 qańtarda DDSU Qytaıǵa silteme jasap koronavırýstyń adamnan adamǵa ońaıshylyqpen juqpaıtynyn málimdegen. 

Ol sonymen birge DDSU-ǵa qarasty zerthananyń birlesken dırektory, professor Malık Peırıs bul týraly biletinin, biraq eshteńeni ashyq jarııalamaǵanyn aıtqan.

Peırıs túsinikteme berý týraly ótinishterge jaýap bermegen. DDSU resmı saıty Peırısti koronavırýsqa baılanysty pnevmonııamen kúres jónindegi Dúnıejúzilik densaýlyq saqtaý erejeleriniń tótenshe komıtetinde "keńesshi" retinde tizimde turǵanyn jazǵan. 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir