"SK-Farmasııaǵa dáriniń ısi murnyna barmaıtyn taǵy bir adam basshy bolypty"

Belgili jýrnalıst Serik Ábikenuly áleýmettik jelidegi paraqshasynda  «SK-Farmasııa» JShS basqarma tóraǵasy qyzmetine buryn sońdy bul saladan habary joq adamnyń basshy bolyp kelgenin jazdy.

– Baqtashyǵa gúl ektirip, baǵbanǵa mal baqtyrǵan, shabandy alamanǵa qosyp, júırikpen qoı qaıyrǵan, etikshini ustaz etip, ustazǵa etik tiktirgen eserlik qashan toqtar eken. SK-Farmasııaǵa dáriniń ısi murnyna barmaıtyn taǵy bir adam basshy bolypty. Premerdiń maqúldaýymen deıdi. 14 maýsymnan beri ızolıasııaǵa ketip, eldegi ahýaldy asqyndyryp alǵan Mamın men mem komıssııaǵa jetekshilik etip mandytpaǵan Toǵjanovtar júrgen úkimet jaǵdaıdy túzemeı jatyp adam otyrǵyzýmen aınalyspaǵany jón edi. Onyń ústine Erhat Esqalıev SQ-Farmasııanyń baqylaý keńesine múshe bop kelgen. Demek dári-dármek tapshylyǵyna jaýaptylardyń biri, – dedi Serik Ábikenuly.

Búgin premer-mınıstrdiń kelisimimen Esqalıev Erhat Serikuly «SK-Farmasııa» JShS basqarma tóraǵasy qyzmetine taǵaıyndalǵan bolatyn.

Buǵan deıin «SQ-Farmasııa« JShS-nyń basqarma tóraǵasy qyzmetin Shárip Berik Sháripuly atqardy.