• USD 468.56

  • EUR 497.56

  • RUB 7.3

  • CNY 67.18

29 Naýryz, 20:00:28
Almaty
+35°

12 Shilde, 2020 NEWS

Qazaqstanda alıment óndirý jeńildeıdi

Endi alıment boıynsha májbúrlep oryndatý sharalary bir aıda qolǵa alynbasa, jeke sot oryndaýshysy lısenzııasynan aıyrylýy múmkin

Kórneki sýret

Ádilet mınıstrligi atqarýshylyq is júrgizýdiń sapasyn jaqsartý arqyly azamattardyń quqyqtaryn qorǵaý men ýaqytyly iske asyrýǵa erekshe nazar aýdarylatynyn habarlady.

Bul 18 shildeden bastap kúshine enetin "Qazaqstan Respýblıkasynyń keıbir zańnamalyq aktilerine atqarýshylyq is júrgizýdi jáne qylmystyq zańnamany jetildirý máseleleri boıynsha ózgerister men tolyqtyrýlar engizý týraly" Zańǵa seıkes júzege aspaq.

Qabyldanǵan túzetýler jeke sot oryndaýshylaryna alımentti, jalaqyny, zeınetaqyny, járdemaqyny óndirýde,  azamattardyń ómiri men densaýlyǵyna keltirilgen zııandy óteý týraly atqarýshylyq qujattardy oryndaýda qosymsha mindet júktemek.

"Buryn keıbir jeke sot oryndaýshylar, olardy asa qyzyqtyrmaǵandyqtan májbúrlep oryndatý sharalaryn qoldaný merzimin sozatyn. Endi májbúrlep oryndatý sharalary bir aı ishinde qabyldanbasa, jeke sot oryndaýshysy lısenzııasynan aıyrylýy múmkin" delingen mınıstrlik taratqan aqparattyq habarlamada.

Budan basqa, memlekettik eńbek ınspektorynyń jalaqyny tóleý týraly uıǵarymyna atqarýshylyq qujat mártebesi beriledi. Bul jumys berýshi tarapynan quqyqtary buzylǵan azamattarǵa jalaqyny óndirip alý máselelerin tez sheshýge, sotqa jumsalatyn ýaqyty men sot shyǵyndaryn únemdeýge múmkindik beredi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir