Qaırat Joldybaıuly: Alekseı Soı tegin ushaq uıymdastyrsa, 500-den astam apparat satyp alýǵa ázirmiz

Ottegi apparatyn satyp alýǵa qarjy jınap bastaǵan belgili dintanýshy Qaırat Joldybaıuly búginde elden 52 mıllıon teńgege jýyq qarajat jınalǵanyn habarlap, densaýlyq saqtaý mınıstrligi Alekseı Soı apparatty jetkizýge tegin ushaq uıymdastyryp jatqanyn jazdy.

"Qazirge mende jınalǵan qarjy 51 900 000 teńge.

Mınıstr A. Soı tegin ushaq uıymdastyrý jaǵyn qarastyrýda. Eger ushaq máselesi sheshiletin bolsa, onda bul qarjyǵa 500 dana ottegi konsentratoryn satyp ala alamyz. Men tapsyrys berip jatqan zavodqa Shuǵyla qaıyrymdylyq qory da tapsyrys berip jatyr eken. Endi osy qormen birigip mınıstr A. Soıdan 1500 dana konsentratordy Qazaqstanǵa tegin jetkizip berýin surap jatyrmyz. Qoldaýlaryńyz qajet. Ushaq oıdaǵydaı sheshilse, bir aptada ottegi konsentratorlary Qazaqstanǵa jetedi. Úles qosyp jatqan barshańyzdan Alla razy bolsyn!

AKSIIа jalǵasýda" delingen Qaırat Joldybaıulynyń jelidegi jazbasynda.