• USD 468.56

  • EUR 497.56

  • RUB 7.3

  • CNY 67.18

29 Naýryz, 13:56:19
Almaty
+35°

Qytaıdyń Qazaqstandaǵy elshiligi pnevmonııany "Qazaqstan vırýsy" dep jarııalaǵannan keıin, Qytaı elshisi Chjan Sıao eki eldiń arasyndaǵy "strategııalyq seriktestikterdi joǵary baǵalap", Qazaqstan densaýlyq saqtaý mınıstri Alekseı Soımen telefonda sóılesken. Elshiliktiń resmı saıtyndaǵy málimdemege sáıkes, Soı COVID-19 epıdemııasy kezinde kórsetken qoldaýy úshin Qytaıǵa alǵysyn bildirgen. Alaıda Nur-Sultan qalasynda ornalasqan elshilik bul joly indetti "Qazaqstan vırýsy" dep emes, "koronalyq pnevmonııa" dep ataǵan.

Buǵan deıin Qytaı elshiligi elde taraǵan belgisiz pnevmonııany "Qazaqstan vırýsy" dep atap, "Qazaqstanda koronavırýstan da qaýipti vırýs taraldy" dep málimdegen. Elshiliktiń málimdemesinen keıin keıbir qytaılyq sarapshylar pnevmonııanyń Qytaıǵa taralýyn boldyrmaý úshin sharalar qabyldaý kerek ekenin aıtyp, Qazaqstan men Qytaıdyń soltústik-batysyndaǵy Shyńjańnyń shektesetinin eskertken. Kóp ótpeı, Batys BAQ-tary "Ortalyq Azııa elinde ólim kórsetkishi koronavırýstan joǵary jańa vırýs paıda boldy" degen mazmundaǵy aqparattardy jarysa jarııalaǵan

Bul aqparattar Qazaqstannyń densaýlyq saqtaý mınıstri Alekseı Soıdyń "2020 jyldyń alǵashqy jarty jyldyǵynda pnevmonııadan 1172 adam qaıtys boldy" degen málimdemesinen keıin paıda boldy. Alekseı Soı keltirgen derekke saı, pnevmonııadan qaıtys bolǵandar koronavırýs óliminen bes esege kóp, sebebi resmı statıstıka boıynsha qazirge deıin Qazaqstanda COVID-19-dan kóz jumǵandar sany 264.

Al 3 shilde kúni QR bas sanıtar dárigeri Aıjan Esmaǵambetova 2020 jyldyń alǵashqy alty aıynda 1772 adamnyń, maýsymda 628 adamnyń pnevmonııadan qaıtys bolǵanyn aıtqan. Bul esep boıynsha, pnevmonııadan kóz jumǵandar COVID-19-dan qaza tapqandardan 7 ese kóp.

Bul álem nazaryn Qazaqstanǵa aýdardy. Tipti, keıbir elderde "Qazaqstannan abaılańdar, ol memlekette koronavırýstan da qaýipti jańa vırýs paıda boldy" degen eskertýler bastalyp ketken.

Alaıda osy aqparattardan keıin Londonda shyǵatyn Daily Mail basylymy brıtanııalyq jáne qytaılyq epıdemıologtardan suhbat alyp, medısınalyq mamandar Qazaqstanda taralǵan pnevmonııany shyn máninde COVID-19 dep sanaıtynyn jarııalaǵan.

Beıjińdegi Qytaıdyń bas epıdemıology jáne Ulybrıtanııa Ýorvık ýnıversıtetiniń vırýsology Qazaqstanda taralyp jatqan "belgisiz pnevmonııany" epıdemıologııalyq turǵydan COVID-19 dep tujyrymdaıtynyn jetkizgen. 

Qazaqstandyq neırohırýrg dáriger Myńjylqy Berdiqojaev "pnevmonııadan qaıtys bolyp jatqan adamdardyń 99 paıyzynyń ólimine koronavırýs sebep" dep sanaıtynyn aıtqan.

Al juma kúni Dúnıejúzilik densaýlyq saqtaý uıymy Qazaqstandaǵy "belgisiz pnevmonııany" is júzinde anyqtalmaǵan COVID-19 dep málimdegen

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir