Facebook saıası jarnamalarǵa tyıym salmaq

Qarasha aıynda bolatyn AQSh-taǵy prezıdenttik saılaýǵa deıin Facebook óziniń platformasynda saıası jarnamalarǵa tyıym salýdy qarastyryp jatyr. Bul týraly Qamshy tilshisi CNN-ge silteme jasap habarlaıdy. 

Álemdik iri ınternet kompanııasynyń ishki pikirtalastarmen tanys adam bul aqparatty CNN Business-ke málim etken. Onyń sózinshe, áleýettik jelidegi tyıym ótken jyldyń kúzinen bastap qaralyp jatyr.

Pikirtalastarmen tanys taǵy bir adam bul kompanııa qarastyratyn kóptegen nusqalardyń biri ǵana ekenin jáne sońǵy sheshim qabyldanbaǵanyn aıtqan. 

Facebook kompanııasy "jalǵan jarnamalardy" júrgizýge ruqsat berý saıasaty úshin synǵa ushyraǵan. Alaıda Bas dırektor Mark Sýkerberg kompanııanyń ustanymyn tabandy túrde qorǵap, saıası jarnamalarǵa tyıym salý jaqsy ıdeıa bolaıtynyn aıtqan. 

Jarnamalarǵa tyıym salynýy týraly Bloomberg birinshi ret habarlady. Facebook ókili túsinik berýden bas tartqan. 

Twitter byltyr saıası jarnamalarǵa arnalǵan aqshalarǵa tyıym salǵan.

– Biz saıası habarlarǵa qol jetkizýimiz kerek, biraq ony satyp alý kerek emes dep sanaımyz, – degen Twitter-diń bas dırektory Djek Dorsı bul sheshimdi túsindirgen kezde.

Buǵan deıin Goole kompanııasy da saıasatkerlediń jarnamasyn shekteıtin fýnksııasyn qosqan.