11 Shilde, 2020 NEWS

"Bul – "bomba". Volonterler shara qabyldanbasa, aýrýhanadaǵy bylyqty jarııa etenin aıtyp, úndeý joldady

 

Belgili zańger Aıgúl Orynbek óziniń facebook-taǵy paraqshasynda aýrýhanada jumys istep júrgen volonterlerdiń densaýlyq saqtaý mınıstri Alekseı Soıǵa joldaǵan beıneúndeýin jarııalady.

"Naýqastarǵa jaqyndary ákelgen zattardy jetkizýmen aınalysamyz" degen eriktiler aýrýhanalar dári-dármekpen qamtamasyz etilgeni týraly derek jalǵan ekenin, oǵan ózderi kúnbe-kún kýá bolyp júrgenin, ony aıǵaqtaıtyn vıdeomaterıaldyń jetkilikti ekenin jetkizdi.

Olar mınıstrden "qajetti jaǵdaı jasalyp jatyr" dep aıtpaýyn ótindi. Sózderinshe, ózge elderden kelip jatqan gýmanıtarlyq kómek aýrýhanalarǵa jetip jatqan joq.

Eriktiler mınıstr jaqyn arada tıisti shara qabyldamasa, bólimdegi jaǵdaı týraly vıdeony jelige júkteıtinin aıtty. Olar stasıonarlarda qajetti dári-dármek jetkilikti bolǵanda, dárihanalarda uzyn-sonar kezek bolmas edi dep sanaıdy.

– Kezekte turǵandar indet juqtyryp jatyr. Júıkeleri tozǵan. Halyq dári izdep qalada sabylyp júr. Suranystyń kóptiginen buryn 300 teńge turǵan tabletkalar qazir 25 myń teńgege sharyqtap ketti. Shara qoldanyńyz, qoldana almaısyz ba, onda ornyńyzǵa máseleni sheshetin basqa adam kelsin. Halyqty mazaq etkendi doǵaryńyz, – dedi eriktiniń biri.

Kelesi volonter eldegi osy jaǵdaıdy paıdalanatyn alyp-satarlar baıyp qalýdy kózdep otyrǵanyn aıtty. Ol mundaımen aınalysyp júrgen adamdardy tizimdep, árqaısysyn kórsetý kerek degen pikirde.

– Búgin ǵana Máskeýden gýmanıtarlyq kómek kelgenin kórip otyrmyz. Biz osy dárilerdiń aýrýhanaǵa, naýqastarǵa jetýin qadaǵalaımyz. Ár palatany aralap, vıdeoreportaj túsiremiz. Eger azamattarymyz dári tapshylyǵynan ajal qushatyn bolsa, oryndaryńyzdy bosatyńyzdar! Biz qazaqstandyqtardyń qyrylǵanyna jol bermeımiz. Olardyń aqshasy, jumysy, endi mine, densaýlyǵy da joq. Osy kúıge  qalaı tústik... Halyq qyrylyp jatqanda, myńdaǵan sharshy metrlik restorandardyń keregi qansha? Erteń adamdar qaıtys bolsa, ol restoranǵa kim barady? Basqa planetadan ákelesizder me?! Dereý shara qoldanyńyzdar. Stasıonarlardy qarapaıym qajettiliktermen, sýmen, qymyzben, nárli tamaqpen qamtamasyz etińizder. Bul sondaı qıyn ba? Biz jyldar boıy eshnárse suramaı keldik. Endi naýqastardy, medısına mamandaryn qoldaýdy surap turmyz, –  dedi kelesi erikti.

"Bul – genosıd. Biz barsha Qazaqstan halqy genosıdke qarsymyz" degen eriktiler densaýlyq saqtaý mınıstrligi jyldar boıy medbıkeler shaǵymdana almaıtyndaı júıe quryp kelgenin jetkizdi.

– Shuǵyl shara qabyldańyz! Qabyldamasańyz, biz qolda bar barlyq vıdeony jarııalaımyz. Bul – "bomba" bolady. Medbıkelerdi mazaq etý doǵarylsyn!, – dedi eriktiler vıdeo sońynda.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir