Qazaqstan Azamattyq avıasııasynyń eki borty Máskeýden 55 tonna medısınalyq dári-dármek jetkizdi. Onda koronavırýs ınfeksııasy men pnevmonııany emdeýge arnalǵan, vırýsqa qarsy jáne dene qyzýyn túsiretin preparattar, antıkoagýlıanttar men antıbıotık bar. Bul týraly densaýlyq saqtaý mınıstrliginiń baspasóz qyzmeti habarlady.

Ákelingen dári-dármek ishinde 150 myńǵa jýyq azıtromısın tabletkasy, mıllıonǵa jýyq seftrıakson, tamıflıý preparatynyń 150 myń paketi, arbıdoldyń 50 myń oramasy bar.

Mınıstrlik bul qor bir aıǵa jetedi dep otyr. Kelgen farmónimder "dárihanalarǵa birkelki úlestirilip, jaqyn kúnderi óńirlerge jedel jetkiziledi" deıdi vedomstvodaǵylar.

"Osy bort kelesi aptada Úndistannan da dári-dármek tasymaldaıdy. Dári-dármekpen qamtamasyz etýdiń qoljetimdiligin arttyrý jáne dári-dármekke barlyq qajettilikti jabý maqsatynda mundaı is-sharalar aı saıyn uıymdastyrylatyn bolady.

Dári-dármekti azamattyq avıasııa komıtetiniń arnaıy borttarymen jedel jetkizý – naryqty joǵary suranysqa ıe dári-dármekpen jedel qamtamasyz etý úshin Úkimet ázirlegen sharalardyń biri. Mundaı reıster Qazaqstandaǵy dárihana jelilerin turaqty túrde dári-dármekpen tolyqtyryp otyrady" delingen mınıstrlik taratqan aqparattyq habarlamada.

Ilmek sózder: dári-dármek

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir