11 Shilde, 2020 NEWS

Qasym-Jomart Toqaev eki sheneýnikti qyzmetinen bosatty

kazinform.kz

«SQ-Farmasııa» JShS Basqarma tóraǵasy men «Áleýmettik medısınalyq saqtandyrý qory» KEAQ Basqarma tóraǵasy qyzmetinen bosatyldy. Bul týraly densaýlyq saqtaý mınıstrliginiń resmı saıty habarlady.

"Memleket Basshysynyń qatysýymen ótken Qazaqstan Respýblıkasy Úkimetiniń búgingi keńeıtilgen otyrysynyń qorytyndysy boıynsha:

Qazaqstan Respýblıkasy Densaýlyq saqtaý mınıstriniń 2020 jylǵy 10 shildedegi buıryǵymen berilgen ótinish negizinde jáne Qazaqstan Respýblıkasynyń Premer-Mınıstriniń kelisimi boıynsha «SQ-Farmasııa« JShS-nyń Basqarma tóraǵasy B.Sh. Shárip qyzmetinen bosatyldy.

QR Densaýlyq saqtaý mınıstriniń 2020 jylǵy 10 shildedegi buıryǵymen berilgen ótinish negizinde «Áleýmettik medısınalyq saqtandyrý qory« KEAQ Basqarma tóraǵasy A.N. Jumaǵulov qyzmetinen bosatyldy" delingen habarlamada.

Eske sala ketsek, Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen búgingi otyrysynda MÁMS qory men «SQ Farmasııa» basshylaryn jumystan shyǵarýdy tapsyrǵan bolatyn.

– Týyndaǵan qıyndyqqa kinálilerdiń bárine qatysty tergeý júrgizý kerek. Jaýapkershilikke tartqan durys. MÁMS qory men «SQ Farmasııa» basshylary jumystan shyǵarylsyn. Kerek bolsa tergeý júrgizgen jón, – dedi Qasym-Jomart Toqaev.

– Keıingi kezde Mindetti áleýmettik medısınalyq saqtandyrý qorynyń aınalasynda ártúrli áńgime órship ketti. Menińshe onyń basshylyǵyna iskerirek ári jaýaptyraq adamdy qoıý kerek, – dedi Prezıdent.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir