11 Shilde, 2020 NEWS

Aqtóbede ınfeksııalyq aýrýhananyń bas dárigeri qaıtys boldy

Foto: diapazon.kz

Aqtóbe qalasynda ınfeksııalyq aýrýhananyń bas dárigeri Qalıhan Qozbaǵarov pnevmonııadan kóz jumdy. Onyń sońǵy birneshe kúni ózi basshylyq etetin emhanada syrqatpen kúresýmen ótken. Bul týraly Dıapazon gazeti habarlady.

– Ol pnevmonııamen aýyrdy. Koronavırýs rastalǵan joq. Qalıhan Esbosynov 10 shilde kúni tús qaıta bizdi tastap kete bardy. Biz sene alar emespiz. Kúlli aýrýhana onyń tileýin tiledi. Sońǵy eki kúnde onyń beti beri qaraǵanǵa qýanyp qalyp edik. Búgin qymyz ishkisi keletinin aıtqanda ol jazylyp ketedi dep oıladyq. Alaıda saǵat 16 shamasynda onyń demi úzildi. Qalıhan Qozbaǵarov tiri bolǵanda qazanda 60 jasqa tolar edi. Ol tamasha dáriger, basshy, adam bolatyn. Jqmysyn shynaıy berilip isteıtin. Bólim-bólimdi aralap, koronavırýs ınfeksııasymen aýyryp jatqandardy kúnine eki márte qarap qaıtatyn. Ár adam úshin jany aýyratyn. Alaıda dáriger ózin qutqara almady, – dep eske aldy marqumdy áriptesteri.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir