10 Shilde, 2020 NEWS

"Bul bıýrakratııa": Dáýlet Tóleýtaıuly Toqaevqa vıdeoúndeý joldady

"SK Farmasııa halyqtyń senimen aıyrylyp otyr, olarǵa jetken gýmanıtarlyq kómekterdiń barlyǵy ózińiz kórgendeı eki-úsh aı boıy halyqqa jetpeı qoımada jatyr"

Qamshy.kz

Belgili bloger, jýrnalıst, ekonomıst Dáýlet Tóleýtaıuly Prezıdent Qasym-Jomart Toqaevqa vıdeoúndeý joldady. Ol halyqtyń jınaǵan aqshasyna alynǵan 125 tynys alý apparatyn SK Farmasııa taratýyna qarsylyǵyn bildirdi.

"Qurmetti el prezıdenti Qasym-Jomart Kemeluly!

Men Dáýlet Tóleýtaıuly bloger, jýrnalıst, ekonomıst. Jalpy biz óz oqyrmandarymyzben, Aınur Tursynbaeva qory, Elmıra Eshnııazova, Janat Baqyt sekildi qoǵam belsendilerimen birigip 125 ottekti apparatqa bir táýliktiń ishinde aqsha jınaǵan edik. Qazir ol Túrkııada tur. Beri qaraı keleıin dese ony bir ǵana operator SK Farmasııa qabyldap, taratý kerek eken. Meniń salǵan jazbama senat depýtaty Dana Nurjigit arasha túsip, vıse-mınıstr Lıýdmıla Vıtalevna habarlasty. Ol maǵan eldegi zańdardy túsindirdi, ıaǵnı zań aıasynda sol SK Farmasııa qabyldaıdy eken nemese árbir eldi mekenniń ákimshiligimen biz kelisimshartqa otyrýymyz kerek eken. Qurmetti Prezıdent myrza, munyń barlyǵy ýaqytty alady. Bul bıýrokratııa. SK Farmasııa halyqtyń senimen aıyrylyp otyr, olarǵa jetken gýmanıtarlyq kómekterdiń barlyǵy ózińiz kórgendeı eki-úsh aı boıy qoımada jatyr halyqqa jetpeı. Sondyqtan halyqtyń eshqaısysy senbeıdi" delingen úndeýde.

 

Eske salsaq, osydan buryn aıtysker aqyn Aınur Tursynbaevada Prezıdent Qasym-Jomart Toqaevqa úndeý joldaǵan bolatyn. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir