Máıithana aldyndaǵy dúrbeleń basyldy ma?(vıdeo)

Osydan úsh kún buryn Almaty qalasy Qalqaman yqshamaýdanyndaǵy máıithana aldynda tańnan beri kezekte turǵan halyq kóp bolǵan. Meıithana mańyna jınalǵandar týystarynyń múrdesin ala almaı saǵattap kezekte turǵan. Aıtýlarynsha, qaıtys bolǵany týraly anyqtama qaǵaz keshiktirilip berilgen.

Al búgin máıithana aldynda dúrbeleń joq. Azamattar esh kedergisiz kezek-kezek jaqyndarynyń denesin alyp ketip jatyr.

Sońǵy statıstıkaǵa súıensek elde 54 747 adam koronavırýs juqtyrǵan. Onyń 31 815-i indetten aıyqqan. Densaýlyq saqtaý mınıstrligi eldegi koronavırýstan qaıtys bolǵandar statıstıkasyn aptasyna bir ret jarııalaý týraly sheshim shyǵarǵan. Sońǵy derekke saı, elde 264 naýqas koronavırýstan qaıtys bolǵan.