Sarapshylar: Saqtyq sharalary ǵana indettiń betin qaıtarady

Qazaqstan Respýblıkasynyń Prezıdenti Qasym-Jomart 13 shildeni Ulttyq aza tutý kúni dep belgiledi. 10 shilde Úkimettiń keńeıtilgen otyrysyna qatysqan Prezıdent pandemııamen kúreste nátıje kórsete almaǵan Úkimettiń jumysyn synǵa aldy. Osy týraly Qazaqstan Jazýshylar Odaǵynyń múshesi, jýrnalıst Bazarbek Túktibaı men Eýrazııa ulttyq ýnıversıteti saıasattaný kafedrasynyń meńgerýshisi Indıra Rystına pikir bildirdi.

Prezıdent pandemııaǵa qarsy kúres barysynda barsha qazaqstandyqtardy mazalaǵan problemalar týraly aıtyp berdi. Saqtyq sharalaryn saqtasaq, qaterli indettiń beti beri qarar ma edi?! Aldaǵy eki apta bizdiń bolashaq qadamdarymyz úshin sheshýshi kezeń. О́zderińiz kórip-bilip otyrǵandaı qazir áleýmettik jeli qazanamaǵa tolyp ketti. Arty qaıyrly bolǵaı, ólgenge – ıman, tirige – salaýat. Endeshe, barlyq azamattar bosańsýǵa jol bermeı, el bolyp karantın erejelerin qatań saqtaıyq, - dedi ol.

«Ashyǵyn aıtý kerek, densaýlyq saqtaý júıesi indetke toıtarys berýge daıyn bolǵan joq. Osy másele boıynsha biz tergeý júrgizemiz jáne bul jaǵdaıdan sabaq alamyz. Ákimderdiń jibergen qatelikterine tıisti baǵa beremiz» - degen Prezıdent sózin keltirgen sarapshy osy sheshimdi qoldaıtynyn bildirdi.

Densaýlyq saqtaý salasynda júrgen qyzmetkerler kúndiz-túni osy qaterli indetke shaldyqqandarmen kúresip, ult densaýlyǵyn saqtaýmen aınalysyp jatyr. О́kinishke qaraı, ara-arasynda týralap kelgen ajal almaı tynbaýda. Memleket basshysy taǵy bir mańyzdy máselege toqtaldy. Ol dárigerlerimiz buqaralyq aqparat quraldary arqyly azamattarǵa naqty, birizdi málimet berýi kerektigi jáne dertti emdeýdiń neshe túrli joldaryn kórsetip, adamdardyń densaýlyǵyna qaýip tóndirmeý. Bul sheshimdi de qoldaımyn. Prezıdenttiń aıtýynsha, qazir memlekettik organdar eldi mekenderdi qajetti dári dármekpen tolyq qamtamasyz etýde. Osyǵan oraı, tıisti qor da jasaqtalǵan. Demek, asa alańdaýǵa negiz joq, biraq «Saqtansań – saqtaıdy» degendi esten shyǵarmaı, árdaıym sanaly áreket pen jaýapkershilikke den qoıý kerek-aq, - dedi B.Túktibaev. 

Eýrazııa ulttyq ýnıversıteti saıasattaný kafedrasynyń meńgerýshisi I.Rystına da Prezıdent qabyldaǵan sheshimder jaıly pikir bildirdi.

О́mirde eń qorqynyshty sátter bul aqparattyń joqtyǵy. Aqparatsyzdyq túsiniksizdiktiń paıda bolýyna ákelip soǵady, al túsiniksizdik óz kezeginde máseleniń túpki sebepterin bilmeıtin aqyl-oıdyń shatasqan jaǵdaılaryna ákeledi. Bizdiń qoǵamda qazir aqparat kóp, halyq qaısysyna senerin bilmeı dal bolýda. Sondyqtan da halyqqa durys aqparat aýadaı qajet. Ásirese osyndaı aýyr kezeńde, - dedi ol.

I.Rystınanyń aıtýynsha, indetpen kúresý maqsatynda memlekettik saıasatty ázirleýdiń de transformasııaǵa ushyraýy baıqalady, Úkimet qatyp qalǵan jansyz mehanızm emes, kerisinshe eldegi bolyp jatqan oqıǵalarǵa beıimdeldi:

Memlekettik satyp alýdyń arnaıy rásimi epıdemııaǵa qarsy qajettilikterdi bir kózden alý ádisimen keńeıtildi;

Qazaqstan Respýblıkasynda tirkelmegen vırýsqa qarsy preparattardy biryńǵaı ákelýdiń jeńildetilgen tártibi. Mundaı ótinishter kún ishinde qaralatyn bolady;

KVI-dy emdeýge arnalǵan otandyq óndirýshilerdiń jańa preparattardy tirkeý rásimi jedeldetildi.

Elde qazir týyndap jatqan barlyq másele Memleket basshysynyń nazarynda ekenin uǵyndyq. Koronavırýspen kúres kúsheıip keledi, bári Prezıdenttiń baqylaýynda. Sondyqtan jaǵdaı ońalar dep úmitteneıik. 13 shilde aza tutý kúni halyq birliginiń eselenýine ákeledi dep senemin, - dedi saıasattanýshy.