Prezıdent Toqaev úkimettiń keńeıtilgen otyrysynda kúzde bastalatyn 2020-2021 jylǵy oqý maýsymyna daıyndyq barysyna nazar aýdardy.

Ol mektepterdiń balansyndaǵy 400 myńnan astam kompıýterdiń tek 40 paıyzy ǵana iske jaramdy bolǵany áshkerelengenin eske salyp, ákimdikter jańa oqý jylyna dereý daıyndalyp, mektepter men jekelegen muqtaj otbasylardy qajetti tehnıkamen jabdyqtaýǵa tıis ekenin atap ótti.

Prezıdent 1 qyrkúıekte bastalatyn oqý jylyna mınıstrliktiń daıyn ekenine kúmándanatynyn aıtyp, "balalar ishteı oqı ma, álde qashyqtan oqı ma, jańa oqý jylyna muǵalimder daıarlyǵy qandaı" degen saýaldardyń mazalaıtynyn jetkizdi.

Sondaı-aq ol qashyqtan oqytý ádisine kóshý isi ınfraqurylym men ınternet sapasyna qatysty eleýli máselelerdiń bar ekenin kórsetkenin, muǵalimderdiń 20 paıyzdan astamy úılerinde tolyqqandy ınternet pen kompıýter joq bolǵandyqtan, qashyqtan tıimdi oqyta almaǵanyn aıtty.

"Qamshy" silteıdi
Ilmek sózder: Toqaev oqý jyly

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir