Prezıdent KVI anyqtalǵandardy sımptomdy jáne sımptomsyz dep bólý tásilin synǵa aldy

Prezıdent Toqaev densaýlyq saqtaý mınıstrliginiń jumys tásilin ózgerte beretinin synady. 

– Taǵy bir kemshilik. Biz jumystyń tásilderin únemi ózgerte beremiz. Burynǵy basshylyq aıaq astynan naýqastardy sımptomdy jáne sımptomsyz dep bólý kerek dep sheshti. Qazir bul ádistemeden bas tarttyq. Mine, osyndaı áreketter halyq arasynda kúmán týǵyzady, – dedi prezıdent úkimettiń keńeıtilgen quramdaǵy otyrysynda.

Sondaı-aq ol densaýlyq saqtaý mınıstrliginiń burynǵy basshylyǵy ýaqyttyń jetkilikti bolǵanyna qaramastan, indetpen kúreske tıisti deńgeıde ázirlene almaǵanyn, naýqastar sany jáne basqa da kórsetkishter boıynsha olardyń jasaǵan barlyq boljamdary qate bolǵanyn atap ótti.