10 Shilde, 2020 NEWS

Muhtar Shahanovty emdeý oń nátıje bermeı jatqany habarlandy

Ashyq derekkóz

Bir aptadan beri aýrýhanada jatqan aqyn Muhtar Shahanovtyń jaǵdaıy áli de ońala qoımaǵan. Onyń orynbasary Qudııar Bilál áleýmettik jelide aqynǵa tıisti kóńil bólinbeı jatqanyn jazyp, prezıdent Qasym-Jomart Toqaevqa ashyq hat joldady.

 – Áleýmettik jeli betinde habarlanǵanyndaı, qazaqtyń birtýar dara perzenti Muhtar Shahanov О́zińiz alańdaýshylyq tanytyp otyrǵan ókpe qabynýy aýrýyna shaldyǵyp, Almaty qalasyndaǵy "Qalqaman" aýrýhanasynda em qabyldap jatyr. Aýyrǵanyna bir jumadan asty. Emdeý sharalary áli kúnge deıin oń nátıje bere qoıǵan joq. Aýrýhana ákimshiligi M. Shahanovty aýrýǵa shaldyqqan kóp adamnyń biri retinde ǵana qabyldaýda. Al M. Shahanov, О́zińiz biletindeı, KSRO kezinen bastap táýelsizdik alýymyz úshin qyzmet etken sanaýly tulǵanyń biri. Ras, joǵary bılik sheshimderiniń bárine birdeı bas shulǵı bermeıdi. Biraq Sizdiń ulttyq máselelerge qatysty sheshimderińizdi joǵary baǵalaıdy. О́zińiz Prezıdenttikke saılaýǵa túsken kezińizde de Sizge ashyq túrde qoldaý bildirip, ult zııalylaryn Sizdiń tóńiregińizde jınalýǵa shaqyrǵan bolatyn. M. Shahanov sol nıetinen bir sátke de aınyǵan joq, – dep jazylǵan ashyq hatta.
 
Ol aqynnyń bir aptadan  beri eleýsiz em qabyldap jatqanyn jetkizdi.
 
– Qurmetti Qasym-Jomart Kemeluly! Qazaq halqy erekshe qurmetteıtin M.Shahanovtyń aýrýhanada bir aptadan beri eleýsiz em qabylap jatýy, kópshilikke ártúrli oı salýda. Olarda: "Memleket qazaq ultynyń mártebesin, rýhanı qundylyqtaryn asqaqtatý turǵysynda bar ómirin sarp etken M. Shahanov sııaqty ulttyq tulǵalar densaýlyǵyna nege nazar aýdarmaıdy?" degen alańdaýshylyq bar. Mundaı halyq alańdaýshylyǵyn óz múddelerine paıdalanǵysy kelip júrgen kúshter de az emes. Soǵan oraı Sizden M. Shahanovtyń densaýlyǵyna memlekettik turǵyda nazar aýdarýyńyzdy suraımyz, – dep sózin túıindedi Qudııar Bilál.
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir