10 Shilde, 2020 NEWS
Kórneki sýret
Qazaqstannyń Densaýlyq saqtaý mınıstrligi keıbir Qytaı BAQ-tarynda taraǵan Qazaqstanda koronavırýsqa qaraǵanda kóp ólim belgisiz pnevmonııa jaǵdaılarynan bolyp jatyr degen aqparattyń shyndyqqa sáıkes kelmeıtinin málimdedi.
"DDSU AHJ-10 halyqaralyq aýrýlardyń jiktemesine, onyń ishinde pnevmonııa úshin kodtar engizdi. Aıtalyq, «matovogo stekla» sındromy kezinde KVI klınıkalyq nemese epıdemıologııalyq turǵydan, ıaǵnı ókpeniń qabynýy dıagnostıkalanady. Biraq zerthanalyq zertteýde rastalmaıdy. Qazaqstan osyǵan baılanysty álemdegi basqa elder sekildi osyndaı pnevmonııany esepke jáne monıtorıngke alady. Bul syrqattaný jaǵdaıyn jáne koronavırýstyq ınfeksııanyń taralýyn turaqtandyrýǵa baǵyttalǵan basqarý sheshimderin qabyldaýǵa múmkindik beredi. 9 shildede Densaýlyq saqtaý mınıstri A. Soı eldegi pnevmonııa sany týraly aıtty. Jalpy alǵanda: elde bakterııalyq, grıbokty, vırýsty túrleri, sonyń ishinde AHJ-10 jiktemesine sáıkes "vırýsty pnevmonııa, etıologııasy anyqtalmaǵan pnevmonııa" bar. Osylaısha Qazaqstan Respýblıkasy Densaýlyq saqtaý mınıstrligi Qytaı BAQ-tarynyń aqparaty ShYNDYQQA SÁIKES KELMEITININ taǵy da málimdeıdi" delingen mınıstrlik taratqan málimdemede.
Buǵan deıin Qazaqstandaǵy Qytaı elshiliginiń WeChat jelisinde Qazaqstanda COVID-19-dan da qaýipti pnevmonııanyń jańa túri taralyp jatqany, oǵan turǵyndar jappaı shaldyǵyp jatqany týraly habarlanǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir