• USD 468.56

  • EUR 497.56

  • RUB 7.3

  • CNY 67.18

29 Naýryz, 11:09:07
Almaty
+35°

09 Shilde, 2020 NEWS

Nemis depýtaty Angela Merkelge: Bul seniń aqshań emes!

Nemis depýtaty Djorg Meıten Eýropalyq Odaqtyń plenarlyq otyrysy kezinde Germanııa kansleri Angela Merkeldi synǵa aldy

Sýrette: Nemis depýtaty Djorg Meıten

"Nemis depýtaty eýropalyq azamattardyń bostandyǵyn buzǵany úshin jáne eýropalyq murattarǵa opasyzdyq jasaǵany úshin Angela Merkeldi aıyptady" dep jazdy anglııalyq Financial Press basylymy. Bul týraly Qamshy tilshisi habarlaıdy.

Nemis depýtaty Djorg Meıten Eýropalyq Odaqtyń plenarlyq otyrysy kezinde Ispanııa men Italııa azamattary ortasha eseppen Germanııa azamattarynan aýqatty ómir súretinin málimdep, Germanııa kansleri Angela Merkeldi synaǵan.

Meıten "bul seniń aqshań emes, bul salyq tóleýshilerdiń aqshasy, aqshany tóleıtin solar. Bul sosıalıstik ıdeologııadan týyndaǵan. Bizdiń bostandyqtarymyz taptalyp jatyr, al siz Germanııa birlikti kórsetýge daıyn dep otyrsyz" dep aıyptaǵan.

– Nemisterdiń ortasha baılyǵy ıspanııalyqtardan nemese fransýzdardan tómen ekenin bilesiz be? Basqa elderge qaraǵanda Germanııada adamdar ózderiniń zeınetaqylaryn keıinirek alatynyn bilesiz be? Sonymen, sizder qandaı birlikti kórip tursyzdar, Merkel hanym?, – dedi depýtat.

О́tken aıda Djorg Meıten Eýropalyq Parlamenttiń jalpy otyrysynda Eýropalyq komıssııanyń "qutqarý josparyna" qarsy shyqqan.

Meıten Eýropalyq Odaqtyń qalpyna keltirý paketin bos sóz dep sanaıdy. Ol Avstrııa, Nıderlandy, Danııa jáne Shvesııany "Ońtústik Eýropany qutqarýǵa" kelispegeni úshin maqtady.

Nemis depýtatynyń sózinshe, kansler Merkel eshqandaı kornaoblıgasııalar nemese eýrooblıgasııalary bolmaıtynyn aıtqan kezde jaǵdaı óte túsinikti bolǵan.

– Biraq qazir bizde 5 mıllıon eýro kóleminde granttar beretin qalpyna keltirý qory boldy... Bizde Eýropalyq Komıssııa atynan bul aqshany tıisti zańdy negizsiz qarjylandyratyn salyq tóleýshiler bar... Bul eshkimdi mazalamaıtyn sııaqty. Sizdiń Komıssııańyzdyń prezıdenti bul sandyraqty qoldaıtynyn jáne bul aqsha jetkiliksiz ekenin aıtsa, siz 500 mıllıon eýro qajet dep otyrsyz. Aıtýǵa ruqsat etińiz, bul múldem durys emes, bul sandyraq... Bul EO azamattary úshin tóleýge týra keletin qymbat baǵa. Sondyqtan siz salyq tóleýshilerdiń aqshasymen erteńgi kúnińiz joq sııaqty jumsaǵaly otyrsyz. Bul jerde eshqandaı jaýapkershilik nemese ekonomıkalyq maǵyna joq. Bul shyǵyndar men salyqtar turǵysynan maǵynasy joq. Biz munda úlken aqsha fıgýralary týraly aıtyp otyrmyz jáne "birlik úshin" degen atty jamylǵan ekijúzdilik. Biz Avstrııa, Nıderlandy, Danııa jáne Shvesııanyń bári bul sandyraqqa kelisýden bas tartqanyn kórdik,– degen Djorg Meıten.

"Qamshy" silteıdi
Ilmek sózder: Germanııa depýtat

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir