The Times gazeti "2013 jyly Qytaı ǵalymdary COVID-19 pnevmonııasyna uqsas aýrý týdyratyn belgisiz vırýsty tapqan" dep habarlady.

Basylym 2012 jyldyń tamyz aıynda shaǵyn zertteý toby jumbaq ólimdi zertteý úshin Qytaıdyń ońtústik-batysyndaǵy ken ornyna barǵanyn málimdedi.

"2012 jyly Qytaıda alty er adam COVID-19 juqtyrǵandarda kezdesetin sımptomdarǵa uqsas aýrý belgilerimen aýyrǵan, úsheýi kóz jumǵan" dep jazdy gazet.

The Times ǵalymdardyń shaǵyn zertteý toby  barǵan ken ornynda jarǵanattar men egeýquıryqtardyń baryn, ol jer mýtasııaǵa ushyraǵan mıkroorganızmder men adamǵa qaýipti patogenderdiń ósýine yńǵaıly bolǵanyn, birer aptadan keıin shahtaǵa kirgen alty er adamnyń belgisiz pnevmonııamen aýyrǵanyn, olardyń úsheýi qaıtys bolǵanyn jazdy.

Al, The Financial Press basylymynyń aqparatynsha , 45 jastaǵy er adam 2012 jyldyń 24 sáýirinde Qytaıdyń ońtústik-batysynda  aýyr pnevmonııaǵa shaldyǵyp, jansaqtaý bólimine túsken.

Kelesi kúni 42 jastaǵy Lv esimdi er adam ólimge dýshar etetin dál sondaı belgilermen aýrýhanaǵa jetkizilgen.

Beısenbige qaraı taǵy úsh oqıǵa bolǵan.

63 jastaǵy Chjoý, 46 jastaǵy Lıý jáne 32 jastaǵy Lı reanımasııaǵa túsken.

Vý esimdi altynshy er adam jansaqtaý bólimine kelesi sársenbide túsken.

Alty adamǵa Mojıan aımaǵyndaǵy Tonggýan qalasynyń ońtústigindegi taýly mys kenishindegi qoqystan dárilerdi tazartý tapsyrylǵan.

Olarda dene qyzýy 39 gradýstan joǵary bolǵan. Olarda sondaı-aq jótel men aıaq-qoldardyń aýrýy sııaqty klassıkalyq koronavırýs belgileri baıqalǵan. Beseýinde tynys alýy qıyn bolǵan.

Alǵashqy eki adam qaıtys bolǵannan keıin, qalǵan tórteýi qan ketý, dene bezgegi, japon ensefalıti jáne tumaýǵa qatysty synaqtardan ótti, biraq bári teris nátıje bergen.

Atyshýly koronavırýstyq saraptama ortalyǵy Ýhan vırýsologııa ınstıtýty  tiri qalǵan tórt adamdy testten ótkizgen.

Tórt adamnan da SARS vırýsyna teris nátıje shyqqan. Tórt adamda da belgisiz SARS vırýsyna uqsas koronavırýsqa qarsy antıdeneler bar ekenin anyqtalǵan.

Sonymen qatar, qalpyna kelgen eki pasıent aýrýhanada jatqan eki adamǵa qaraǵanda antıdenelerdiń kóbirek deńgeıin kórsetken, olardyń bireýi keıin qaıtys bolǵan.

Alaıda osy oqıǵaǵa baılanysty Qytaıda SARS vırýsyna uqsas koronavırýstyń tabylǵany týraly nemese úsh adamnyń qaıtys bolǵany jaıynda aqparat jarııalanbaǵan.

Degenmen, bul aqparattar qytaılyq stýdenttiń doktorlyq dıssertasııasynan tabylǵan. Jasyryn aýrýdyń óte mańyzdy málimetteri, sonyń ishinde antıdeneler synaqtarynyń nátıjeleri qytaılyq aýrýlardy baqylaý jáne aldyn alý ortalyǵy dırektorynyń stýdenti Lı Sıýdyń PhD dıssertasııasynda jarııalanǵan.

Jas dáriger Lı Sıý bul týraly tezıste birneshe tujyrymdar jasaǵan. Onyń jetekshisi, professor Sıan Chýıanıýn, belgisiz vırýstan zardap shekken alty adamdy emdegen tótenshe jaǵdaılar bóliminde jumys istegen.

Jas zertteýshiniń tezısteri, eń aldymen, vırýstyń jarqanattan paıda bolǵanyn, SARS-qa  uqsas koronavırýs ekenin kórsetti.

– Bul belgisiz vırýstan paıda bolǵan pnevmonııadan zardap shekken alty shahter jumys istegen ken ornyndaǵy jarqanatty zertteýdi mańyzdy zertteý taqyrybyna aınaldyrdy, – dep qorytyndylaǵan Lı Sıý.

Ilmek sózder: Koronavırýs 2012

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir