Túrkistan qalasynyń ákimi Rashıd Aıýpov koronavırýstan qalaı emdelip jatqanyn aıtty. Bul týraly ol Facebook paraqshasynda jazdy.

– Moıyndaý – erliktiń úlkeni, al janashyrlyq – adamdyqtyń belgisi. Ardaqty aǵaıyn! Qadirmendi janashyr dostarym! Qurmetti jerlester!

Basymnan ótken qıyndyqtar tiri jannyń basyna buıyrmasyn dep tileımin. Osy rette, barynsha saqtyq sharalaryn oryndaý qajettiligin taǵy bir márte esterińizge salýǵa ruqsat etińizder. Eń mańyzdysy: betperde, dostar! Araqashyqtyq! Tazalyq! О́tinish, "saqtanǵandy saqtaıdy" demekshi saq bolyńyzdar! Jasy úlkenderdi barynsha qorǵap qalýǵa tyrysaıyq!, – dep jazdy ákim jelidegi paraqshasynda.

Qala ákimi barsha qazaqstandyqtardy qıyn qystaý shaqta qoldaý bildirip, kómek qolyn sozýǵa shaqyrdy.

– Elimizdegi bul jaǵdaıdy bárimiz de kórip otyrmyz. Joqqa shyǵarýǵa tyrysýdyń, kóz juma qaraýdyń esh mánisi bolmaǵan, qazir de joq. Sizderge degen úlken ótinish: qıyn qystaý zamanda elimizge birigip qol ushyn sozaıyq. Bizdiń qoldan kelmegendi sizder jasaı alasyzdar. "Halqym úshin barmyn!", "Qoldaýǵa shamam jetedi!" degenderińizdi jekege jazýlaryńyzdy ótinemin. Qazir qandaı da kómek mańyzdy!, – dep sózin túıindedi.

Buǵan deıin elde elbasy Nursultan Nazarbaev, depýtat Bekbolat Tileýhan, Almaty oblysynyń ákimi Amandyq Batalov, memleket basshysynyń baspasóz hatshysy Berik Ýálı jáne taǵy basqa da sheneýnikter vırýs juqtyrǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir