• USD 424.85

  • EUR 504.21

  • RUB 5.84

  • CNY 65.86

19 Qazan, 17:52:36
Almaty
+15°

Búgin, 9 shilde kúni Qostanaı qalasynyń ákimi Qaırat Ahmetovtyń koronavırýs juqtyrǵany belgili boldy. Bul jaıly ákimniń ózi Instagram paraqshasynda jazdy.

Ahmetov óz jazabasynda COVID-19-ǵa jasatqan testi oń nátıje kórsetkenin, biraq qashyqtan  jumys isteı beretinin jazǵan.  

"Barlyq saqtyq sharalaryn qatań saqtaǵanyma qaramastan, ókinishke qaraı, meniń Covid-19-ǵa jasatqan testim oń nátıje kórsetti. Osy sebeppen men oqshaýlanýǵa ketemin jáne de jumysymdy qashyqtyqtan jalǵastyramyn. Osyǵan oraı, qala turǵyndaryn belgilengen barlyq talaptar men qajetti qaýipsizdik sharalaryn qatań saqtaýǵa shaqyramyn" dep jazdy ákim.

Buǵan deıin Qostanaı oblysynyń ákimi Arhımed Muhambetov te koronavırýs juqtyryp, keshe jazylyp shyqqan.

Qazaqstanda buǵan deıin de ondaǵan sheneýnikten koronavırýs tabylǵan. Olardyń arasynda eldiń eks-prezıdenti Nursultan Nazarbaev, densaýlyq saqtaý mınıstri Eljan Birtanov, májilis spıkeri Nurlan Nyǵmatýlın, Almaty oblysynyń ákimi Amandyq Batalov, májilis depýtaty Bekbolat Tileýhan  bar. 

Sońǵy resmı aqparatqa saı, Qazaqstanda KVI juqtyrǵandar sany 53 myńnan asty. 

"Qamshy" silteıdi
Ilmek sózder: Qostanaı koronavırýs

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir