Qarjy mınıstriniń birinshi orynbasary Berik Sholpanqulov Qazaqstanda koronavırýspen kúreske bólingen qarajattyń jalpy kólemin aıtty.

– Epıdemııaǵa qarsy is-sharalardy júrgizýge 125 mlrd teńge kózdelgen. Bul qarajat medısına jáne basqa qyzmetkerlerge qosymsha aqy tóleýge, 3 ınfeksııalyq aýrýhana qurylysyna jáne basqa sharalarǵa jumsaldy. 575 mlrd teńge qosymsha shyǵystar – azamattar men ekonomıkany qoldaýǵa jáne Memleket basshysynyń tapsyrmalaryn iske asyrýǵa, Nur-Sultan qalasyndaǵy úlestik qurylystyń problemalyq nysandaryn aıaqtaýǵa jáne basqa da basym mindetterge baǵyttalǵan, – dedi Berik Sholpanqulov.

Sondaı-aq ol koronavırýs indetimen kúreske Úkimet rezervinen 66 mlrd 957 mln teńge, onyń ishinde Densaýlyq saqtaý mınıstrligine 46 mlrd 587 mln teńge bólingenin atap ótti.

Aıta keteıik buǵan deıin koronavırýspen kúreske 6 trln teńge bólingen bolatyn.

Sońǵy aqparat boıynsha, Qazaqstanda koronavırýs ınfeksııasyn juqtyrǵandar – 51 059, jazylyp shyqqandar – 16 928, qaıtys bolǵandar – 264.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir