Almatyǵa 1 mln-nan astam parasetamol jetkizildi

Almatyǵa taýar úzdiksiz kelýde, 1 mln-nan astam parasetamol keldi. Bul týraly qala ákimdiginiń baspasóz qyzmeti habarlady.

Búgin Almaty qalasy ákimi Baqytjan Saǵyntaev farmındýstrııa ókilderimen selektorlyq jıyn ótkizdi, onda dárilik preparattar men medısınalyq buıymdardy toqtaýsyz jetkizýdi qamtamasyz etý máseleleri sóz boldy. О́ndiristik kompanııalardyń, dárihanalyq jelilerdiń jáne salalyq qaýymdastyq ókilderi dárilik quraldardyń qory men josparly jetkizilimder týraly habarlady. Sonymen birge, olar taýarlardy rásimdeý jáne olardy alý prosedýralary týraly aıtty.

Dárihanalardaǵy dári-dármekterdiń bar-joǵyna qatysty suraqtar kólemin eskere otyryp, "INKAR" JShS bas dırektory Álııa Erimbetova osy jaǵdaı týraly, sonymen birge kezekke qatysty túsinikteme berdi.

– Kezekter bar, áleýmettik qashyqtyqty saqtaý kerek ekenin eskere otyryp, 20-25 adamnan artyq kirgizbeımiz. Naýqastar sany kóp, biraq biz jaǵdaıdyń túzelip kele jatqanyn baıqap otyrmyz. Almatyǵa taýar toqtaýsyz kelýde, "INKAR" JShS-ne 1 mln-nan astam parasetamol jetkizildi, – dedi Álııa Erimbetova.

Sonymen birge, júkti jóneltýge baılanysty adam faktory turǵysynan úlken qıyndyqtar bar. Soǵan qaramastan, qazir búkil keńse jumys istep tur, adamdar taýardy bosatyp alý úshin demalyssyz eńbek etýde.

Sonymen qatar, ol farmkompanııalar da mundaı dúrligýdi kútken joq dep atap ótti. Álııa Erimbetova ónimniń sapasy burynǵysynsha joǵary deńgeıde ekenine sendirdi.

– Biz barlyq aýrýhanalardy taýarlarmen qamtamasyz etemiz. Naýryz aıynan bastap BAQ-ta kóptegen jaman nárseler jazyldy, degenmen, el men qala basshylyǵy jaǵdaıdy sheshýge, jeńýge óte múddeli dep sanaımyn, ol úshin kóptegen durys qadamdar jasaldy. Qazir úkimet bárine qolaıly bolý joldaryn qarastyrýda – barlyq múmkin nárseni tezdetip, jeńildetýde. О́z kezeginde, óndirýshiler halyq úshin ótkizý júıesi jolǵa qoıylǵan eski kompanııalardyń jetkizýine basymdyq beredi, – dep atap ótti ol.

Sonymen qatar, ol dárihanalarda koronavırýstyq pandemııany eskere otyryp, halyq arasynda eń tanymal 41 dári-dármektiń bar ekeni týraly túsindirdi.

– Bir aptanyń ishinde deksametazon men eń tapshy ónimderge degen shıelenis azaıady, – dedi Álııa Erimbetova.

Eske salsaq, búgin Almaty qalasynyń ákimi Baqytjan Saǵyntaev farmındýstrııa ókilderimen dári-dármekter men medısınalyq maqsattaǵy buıymdardy úzdiksiz jetkizýdi qamtamasyz etý máseleleri talqylanǵan selektorlyq keńes ótkizdi. Qala ákimi tıisti qyzmetterge dári-dármekter men ónimderdiń úzdiksiz ótýin qamtamasyz etýdi tapsyrdy. Qajet bolǵan jaǵdaıda salyqtyq jáne kedendik ákimshilendirýdi, sondaı-aq ımporttyq taýarǵa sáıkestik sertıfıkattaryn alý rásimin jedeldetýdi de tapsyrdy.