1996 jyldan bastap aýyl tirshiligi jandanyp, gúldene tústi. Jeke bıznes ashýǵa nıet bildirgen kásipkerlerge Tuńǵysh Prezıdent baǵyt-baǵdar berip, qoldaý kórsetti.
 
Osylaısha, Elbasy Nursultan Ábishuly Nazarbaevtyń keń aýqymdy reformalarynyń aıasynda aýyldaǵy aǵaıynnyń turmys-tirshiligi túzeldi. Shyǵys Qazaqstan oblysyndaǵy «Maıly dándi daqyldar tájirıbe sharýashylyǵy» JShS dırektory Farıd Abıtaev osylaı deıdi.
 
- Elbasynyń arqasynda jer qatynastaryn qalpyna keltiretin kodeks qabyldandy. Bul óz kezeginde kásipkerlerge aýyldaǵy jeke bıznesti damytýǵa múmkindik berdi, - dedi Farıd Abıtaev.
 
Búginde atalmysh kásiporyn basshysy Elbasynyń bastamasymen el ıgiligi úshin iske asyrylǵan árbir reformany maqtanyshpen eske alady.
 
- Nursultan Nazarbaev kásipkerlerge jańa múmkindik syılady. Tuńǵysh Prezıdentimiz shaǵyn jáne orta bıznesti qoldaý maqsatynda kásip ıelerine jeńildetilgen paıyzben nesıeler berdi. Ulttyq qordan aýyl sharýashylyǵy salasyna qajetti tehnıkalardy satyp alý maqsatynda arnaıy lızıng bóldi. Túptep kelgende, munyń bári Elbasynyń shalǵaıdaǵy aýyldarǵa degen qamqorlyǵy dep túsinemin, - dedi Farıd Abıtaev.
 
Aıta keteıik, Ulttyq qor Elbasynyń bastamasymen qurylǵan bolatyn.
 
Farıd Abıtaevtyń aıtýynsha, «Agrobıznes-2020» baǵdarlamasy dıqanshylarǵa jańa múmkindik berdi.
 
- Elbasynyń barlyq bastamasy men baǵdarlamasy aýyl sharýashylyǵy salasyn damytyp, ónim kólemi men ınvestısııany arttyrýǵa  baǵyttaldy, - dep túıindedi Farıd Abıtaev.
 
Al, "Semena maslıchnyh" sharýa qojalyǵynyń basshysy L.P.Sybenko Elbasymen kezdesýin erekshe tolqynyspen eske alady. Ol 2017 jyldyń 14  shildesin áli kúnge deıin bir sát te bolsyn, esten shyǵarǵan emes. Sebebi dál osy kúni jeke kásipker uly Fıodormen birge Elbasymen kezdesýge barǵan eken.
 
- 2017 jyldyń 14 shildesinde Elbasy aýyl sharýashylyǵy salasynyń mamandarymen basqosý ótkizdi. Bul kún biz úshin erekshe boldy. Kezdesý barysynda Nursultan Ábishulymen tildesý baqyty buıyrdy. Elbasy sondaı aqjarqyn, ashyq, qarapaıym adam ekenine kózim jetti. Basqosýda Tuńǵysh Prezıdent aýyl sharýashylyǵy salasyn damytýdy jańa deıgeıge kóterýdi tapsyrdy, - dedi L.Sybenko.
 
О́z sózinde jeke kásipker Elbasynyń koronavırýstyq ınfeksııadan jazylyp shyqqanyna shyn júrekten qýanyshty ekenin jetkizdi.
 
- Memleket basshysy  Qazaqstannyń Tuńǵysh Prezıdenti sanaly ǵumyryn halqyna qyzmet etýge arnaǵan eliniń adal perzenti ári jahandyq deńgeıdegi saıasatker ekenin atap ótti. Men Qasym-Jomart Kemelulynyń bul sózimen tolyq kelisemin, - dedi L.Sybenko.
 
ShQO aqparat ortalyǵy
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir