kórneki sýret
Koronavırýsqa baılanysty dúnıejúzilik statıstıkany jarııalap otyratyn Worldometers.info saıtynyń 8 shildedegi dereginshe, Qazaqstan álem elderiniń arasynda vırýs juqtyrǵandar sany jóninen bir saty joǵarylap, 33-orynǵa turaqtady.
Keshe Qazaqstan bul tizimde 34-orynda turǵan. Búgin 1309 adamynan COVID-19 anyqtalǵan Qazaqstan ózinen bir saty joǵary turǵan Nıderlandydan ozdy.
Sońǵy resmı aqparatqa saı, elde koronavırýs juqtyrǵandar sany – 51 059. Dúnıejúzilik statıstıkada Qazaqstannan bir saty joǵary turǵan Kýveıtte vırýs juqtyrǵandar sany Qazaqstanmen shamalas. Bul elde 51 245 adamnan COVID-19 anyqtalǵan.
Dúnıejúzilik statıstıkada Qazaqstannyń aldynda turǵan elderdiń kóbiniń halqy Qazaqstandikinen kóp.
Qazir álemde COVID-19 ólimi jáne juqtyrǵandar sany boıynsha AQSh kósh bastap tur. Bul elde COVID-19-ǵa shaldyqqandar sany 3,1 mıllıonǵa jýyqtady. Vırýstan qaıtys bolǵandar – 133 972 adam. AQSh bıligi elde koronavırýs órship, jumyssyzdyq kóbeıgen kezde BUU-ǵa Dúnıejúzilik densaýlyq saqtaý uıymynan shyǵatynyn resmı málimdedi.
Worldometers.info saıtynyń 8 shildedegi dereginshe, dúnıejúzinde koronavırýs juqtyrǵandar sany 12 mıllıonǵa jýyqtady, 546 myńnan astam adam vırýstan kóz jumdy.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir