08 Shilde, 2020 NEWS

Saǵyntaev: Almaty dárihanalarynda kezek kóbeıip, jurt dúrligip ketti

exclusive.kz

Almaty ákimi Baqytjan Saǵyntaev qala dárihanalarynda kezektiń kóbeıýine baılanysty túsinikteme berdi. Bul týraly ol Facebook paraqshasynda jazdy.

– Qurmetti almatylyqtar! Birqatar dárihanalarda kezek kóbeıip, jurt arasynda dúrligý baıqaldy. Osy jáıtke túsinikteme bere ketsem deımin. Suranysqa ıe preparattarǵa degen qajettilikti turaqtandyrý úshin 1 shildeden bastap dárihanalarǵa 475 myń dana áleýmettik mańyzy bar preparattar, sonyń ishinde 260 myń parasetamol, 98 myń aspırın, 35 myń ıngavırın, 22 myń azıtromısın, 15 myń kardıomagnıl jáne basqa da dári-dármekter tústi. Sondaı-aq dárihanalarǵa 30 myń termometr qoıyldy. Qoımalarda áleýmettik mańyzy bar 645 myń dári-dármek, sonyń ishinde 301 myń aspırın, 84 myń kardıomagnıl, 73 myń parasetamol, 42 myń ıbýprofen, 26 myń amoksıklav jáne basqa da dári-dármekter bar, – dedi shahar basshysy.

Ákimniń aıtýynsha kún saıyn qaladaǵy 105 dárihanaǵa dári-dármekter jóneltiledi.
 
– Biraq olar tez satylyp ketýde. Dese de, irkilis bolmaıdy. Shilde aıynyń sońyna deıin 1,2 mln. aspırın, 930 myń parasetamol, ıbýprofenniń 350 myńy, ıngavırınniń 100 myń qaptamasy, 80 myń azıtromısın, 40 myń tamıflıý jáne basqa da áleýmettik mańyzy bar dáriler jetkiziledi. Qalanyń dári-dármek naryǵynda dúrbeleńge jol joq. Jaǵdaı baqylaýda. Quqyq qorǵaý organdary jumys istep jatyr. Alypsatarlar jazalanady, – dedi Saǵyntaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir