AQSh birikken ulttar uıymynyń bas hatshysy Antonıý Gýterrıshke dúnıejúzilik densaýlyq saqtaý uıymynan shyǵatyny týraly eskertý jasady. Sheshim 2021 jyldyń 6 maýsymynda kúshine enedi. Bul týraly BUU saıty habarlady.

Aqparatty BUU bas hatshysynyń baspasóz hatshysy Stafan Dıýjarrık rastady. Onyń sózinshe, Qurama Shtattar dúnıejúzilik densaýlyq saqtaý uıymyna 1948 jyldyń 21 maýsymynan beri múshe.

Uıymǵa kirý men shyǵýdyń belgili bir talaptary bar. Uıymnan shyǵýshy elge qoıylatyn talaptardyń biri shyǵýshy memleket mundaı qadamy týraly bir jyl buryn eskertip, barlyq qarjylaı mindettemelerin óteýi kerek.

BUU bas hatshysy DDSU Qaýlysynyń depozıtarııi esebinde, uıymnan shyǵý talaptarynyń oryndalýyn qadaǵalaıdy.

Buǵan deıin AQSh prezıdenti Donald Tramp dúnıejúzilik densaýlyq saqtaý uıymyn "koronavırýstyń órshýine jol berdi", "negizgi mindetin oryndamady", "Qytaı bıligin jaqtaıdy jáne Beıjińniń jalǵan aqparattaryn qoldaıdy" dep  aıyptap, qarjylandyrýdy toqtatatynyn málimdegen.

Al AQSh memlekettik hatshysy Maık Pompeo Fox News radıosyna bergen suhbaty kezinde DDSU-ny basqa uıymmen aýystyrý máselesi qaralatynyn habarlaǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir