07 Shilde, 2020 NEWS

О́ndiristi bir sátke toqtatýǵa bolmaıdy – Almatydaǵy medısınalyq buıym shyǵaratyn kompanııa

Ashyq derekkóz

Almatyda pandemııa kezinde medısınalyq buıym shyǵaratyn zaýyttarǵa aýyr júkteme berildi. Qazir ár óndirýshi tabys emes, tek qajettilikke jumys istep jatqan jaıy bar.

Búgin Almatyda ornalasqan «Juldyz Kenan Co Ltd.» JShS jumysy týraly bildik. Bul otandyq óndirýshi naryqta 28 jyl boıy jumys istep keledi.

Munda medısınalyq quraldar, apparaty men jabdyqtar, ıngalıator, kateter, zond, shpatel taǵy da basqa quraldar jasalady.

«Bizdiń naryqta jumys istep kele jatqanymyzǵa 28 jyl boldy. Kóbinese ónimderimiz reanımasııa, hırýrgııa, perzenthanalarǵa kerek. Biz 10 jylǵa Úkimettiń óndiristi qoldaý týraly baǵdarlamasy boıynsha kelisimshartqa otyrǵanbyz. Sonymen qatar «Damý» qory arqyly nesıemizdiń 7 paıyzyn óteýge demeýqarjy bólingen. «SK Farmasııa» kelisimi boıynsha 1,5 aıda óńirlerge medısınalyq jabdyq jetkizip turamyz. «SK Farmasııaǵa» arnalǵan 51 ataýly ónim shyǵaramyz. Biz shyǵaryp jatqan ónimniń shıkizatynyń 70-80 paıyzy óz jerimizde alynady. Al 20 paıyzy shetelden keletin polıvınılhlorıd degen shıkizat. Ol bizde shyǵarylmaıdy. Qytaı, Italııa, Germanııa, Polshadan alamyz», - dedi JShS dırektory Baǵlan Baqqulova.

Onyń aıtýynsha, qazir shetelden shıkizat jetkizýge qıyndyq joq.

«Zaýyttarymyz halyqaralyq sertıfıkat boıynsha shıkizat óndirisin aýdıtten ótkizgen. Olarmen kóp jylǵa degen qarym qatynas kelisimsharty bar. Jylyna 2-3 ret bizge shıkizat jiberip turady»,- dedi bas dırektor.

Qazir zaýytta 40 adam jumys isteıdi. Qoǵamdyq kólik toqtaǵanǵa deıin jumyskerler tańǵy 8:00-den keshki 19:00 deıin jumys istep kelgen.

«Naýryz, sáýirde karantın kúsheıtilgen ýaqytta biz óndiristi jappaý úshin jumyskerlerimizge páter, qonaq úı jaldap, senbi-jeksenbi kúnderi 2 aýysym qoıyp otyrdyq. Barlyq qyzmetkerlerimizdiń jaǵdaıyn jeke-jeke bilip otyrdyq. Biz memlekettik tapsyrys aıasynda moınymyzǵa alǵan mindettemelerimizdi tolyq óteımiz», - dedi Baǵlan Baqqulova.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir