07 Shilde, 2020 NEWS

Qytaı shekarasyna 30 myń úndi áskeri jınaldy

Getty

India Times jańalyqtar qyzmeti Qytaı men Úndistan arasyndaǵy daýly Ladah aımaǵyndaǵy naqty baqylaý syzyǵyna 30 myń úndi áskeriniń jiberilgenin jazdy, dep habarlaıdy Qamshy tilshisi.

Bul jaǵdaı Úndistan ulttyq qaýipsizdik jónindegi keńesshi Adjıt Doval men Qytaı syrtqy ister mınıstri Van I arasyndaǵy shıelenisti basý týraly kelissózderden soń, Beıjiń "óziniń aýmaqtyq egemendigin qorǵaıdy" dep málimdeme jasaǵannan keıin bastalǵan.

Úndistan úkimetiniń derekkózderi ótken aıda daýly Ladah aımaǵyndaǵy Qytaı áskerlerimen qaqtyǵysta Úndistannyń 20 áskerı qyzmetkeri qaza tapqanyn málimdegen bolatyn. Beıjiń qaqtyǵystan qansha adamnyń kóz jumǵany týraly aqparat bermedi. Alaıda úndistandyq BAQ "43 qytaı áskeri qaza tapty" dese, AQSh barlaý qyzmeti "kem degende 35 qytaılyq sarbaz óldi" dep habarlaǵan. Dúısenbide Úndistan basylymdary Qytaı tarapy áskerlerdi shyǵarýdy bastaǵanyn jarııalaǵan.

Ilmek sózder: Qytaı Úndistan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir