07 Shilde, 2020 Áleýmet О́zgertý

"Kelesi jyly toılaıtyn eshkim qalmaıdy". Dımash otshashý uıymdastyrǵandardy synady

Dımash Qudaıbergen

Ánshi Dımash Qudaıbergen elde koronavırýs órship turǵanyna qaramastan salıýt atyp, otshashý uıymdastyrǵandardy synǵa aldy.

Ánshi Instagram paraqshasynda "Otshashý neniń qurmetine? Biz koronavırýspen aýyryp jatqandar jóninen álemde alǵashqy orynǵa shyqqanymyzdyń qurmetine me? Astanada otshashý uıymdastyryp jatqandaryńyzda, adamdar tynys alý apparattaryn tappaı jatty. Dál osylaı jalǵastyra berińizder, kelesi jyly toılaıtyn eshkim qalmaıdy" dep jazdy.

Posmotret etý pýblıkasııý v Instagram

V chest chego salıýt???V chest togo chto my na pervom meste po zabolevaemostı koronavırýsom?Lıýdı ne mogýt naı̆tı ballonchıkı s kıslorodom v to vremıa kogda v Astane ýstraıvaete salıýt!Prodoljaı̆te v tom je dýhe ı v sledýıýshem godý prazdnovat ýje býdet nekomý...

Pýblıkasııa ot Dimash Kudaibergen (@kudaibergenov.dimash) 7 Iıýl 2020 v 1:00 PDT

Keshe, 6 shilde kúni Nur-Sultanda astana kúni men Qazaqstannyń eks-prezıdenti Nursultan Nazarbaevtyń 80 jyldyǵyna oraı bıliktiń uıymdastyrýymen oıyn-saýyq sharalary ótip, arty otshashýǵa ulasqan. Bılik bul sharalardy elde koronavırýs órship, arýhanalarda oryn, dárihanalarda dári jetispeı turǵanyna qaramastan ótkizgen.

Nur-Sultan ákimdigi otshashý "qala turǵyndarynyń kóńil-kúıin kóterip, medısına qyzmetkerlerin qoldaý úshin" uıymdastyrylǵan dep málimdedi.

Al Nur-Sultandaǵy otshashýdyń vıdeolary áleýmettik jelide tarala bastaǵan kezde bılik áreketin synap jazǵandar kóbeıdi. Olardyń arasynda qarsylyǵyn óleń arqyly tanytqan aqyndar da bar.

Qazaqstanda jyl saıyn 6 shildede Astana kúni men eldiń eks-prezıdenti Nursultan Nazarbaevtyń týǵan kúni birge toılanady.

Sońǵy resmı aqparatqa saı, Qazaqstanda koronavırýsqa shaldyqqandar sany 49 myńnan asty. Elde 264 adam indetten kóz jumdy.

Qazaqstanda koronavırýs juqtyrǵandar alǵash ret naýryz aıynyń basynda anyqtala bastady. Artynsha elde eki aıǵa jýyq tótenshe jaǵdaı rejımi jarııalanyp, qalalar karantınge jabyldy. Mamyr aıynyń ortasynda bılik tótenshe jaǵdaı rejımin alyp, karantın shekteýlerin jeńildete bastaǵanda vırýs juqtyrǵandar sany kúrt ósti. Sońǵy aıda elde kúnine kemi 1000 adamnan vırýs anyqtalyp júr.

Qazir eldegi dárihanalarda dári tapshy. Aýrýhanalarǵa naýqastar syımaı jatyr.

"Qamshy" silteıdi