Koronavırýs: Ulybrıtanııada úıde emdelgen 20 myń adam qaıtys bolǵan

Ulybrıtanııada koronavırýstan úıde emdelgen 20 myńǵa jýyq turǵyn qaıtys bolǵany rastaldy. Alaıda naqty kóz jumǵandar budan da kóp ekeni aıtylýda. Bul týraly Qamshy tilshisi The Guardian basylymyna silteme jasap habarlaıdy.

Dúısenbide Ulybrıtanııada koronavırýstyq ólim-jitimniń jalpy sany 44 236-ǵa jetken. BBC aqparaty boıynsha, 2020 jyly 2 naýryz ben 12 maýsym aralyǵynda úıde kútim alyp qaıtys bolǵan adamdar ótken jylǵydan 30 myńǵa kóp bolǵan. Onyń 20 myńǵa jýyǵy koronavırýstan qaıtys bolǵany rastalǵan.

Máselege baılanysty Ulybrıtanııa premer-mınıstri Borıs Djonson "koronavırýstyq daǵdarys jaǵdaıynda úıde kútim alǵandar tıisti prosedýralardy saqtamady" dep málimdegen. "Premer-mınıstr osyndaı jaǵdaılar ólim sanynyń ósýine sebepker bolǵanyn aıtty" dep habarlady The Guardian.

Ulybrıtanııa densaýlyq saqtaý salasyndaǵy sheneýnikter vırýstyń úıler arasynda taraǵany anyqtalǵanyn málimdep, resmı esepte shamamen 25 myń naýqastyń koronavırýsqa tekserilmesten úıde kútimge alýǵa jiberilgenin jarııalaǵan.

Iorkshırdegi Goole-ge barǵan Ulybrıtanııa premer-mınıstri pandemııa kezinde "biz áleýmettik qamqorlyqtaǵy adamdardy jaqsyraq qaraýymyz kerek" dep eskertken.

Ol sondaı-aq "biz úıde kútim alǵan kóp adamdardyń prosedýralardy durys oryndamaıtynyn anyqtadyq, biraq biz únemi sabaq ótkizip jatyrmyz. Eń bastysy, olardy tıisti túrde qarjylandyrý kerek" degen.