Qazaqstan densaýlyq saqtaý mınıstri Alekseı Soı halyqtyń bárin PTR-testiden ótkizý týraly jospar joǵyn aıtty. Bul týraly ol búgin Ortalyq kommýnıkasııalar qyzmetinde ótken brıfıngte málimdedi. 

– Jalpy bizdiń statıstıka koronavırýs ınfeksııasy boıynsha PTR-testiler arqyly rastalǵan resmı málimetterge negizdelgen. Álbette vırýsty juqtyrý jaǵdaıy kóp bolýy múmkin. Qoldaǵy resýrstardy paıdalaný úshin PTR-testilerge basymdyq beriledi, – dedi densaýlyq saqtaý mınıstri Alekseı Soı.

Buǵan qosa, vedomstvo basshysy aýrý belgileri bolmaǵan jaǵdaıda pasıent úıinde 14 kún baqylaýda bolatynyn, eń birinshi kezekte kómekke muqtaj adamdarǵa basymdyq beretinin aıtty.

– Pasıent juqtyrǵan topqa jata ma, joq álde ol pnevmonııa ma – ony qalaı ajyratýǵa bolady? Bizge eń aldymen maqsatty toptardy testiden ótkizgen durys? Sebebi, eger aýrý belgileri bolmasa, pasıent úıinde 14 kún jatyp, baqylaýda bola alady. Iаǵnı biz eń birinshi kezekte, kómekke muqtaj adamdarǵa basymdyq berip otyrmyz, – dedi mınıstr.

Sońǵy resmı aqparatqa saı, Qazaqstanda koronavırýs juqtyrǵandar sany 49 myńnan asqan.  Olardyń 264-i kóz jumdy. Qazir Qazaqstan dúnıejúzi boıynsha vırýs juqtyrǵandar jóninen 34-orynda tur.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir