07 Shilde, 2020 NEWS

Dúnıejúzinde alǵash ret bir eldiń 3 mıllıonnan astam halqynan koronavırýs tabyldy

Kórneki sýret

Koronavırýsqa baılanysty álem elderniń statıstıkasyn jarııalap otyratyn Worldometers.info saıtynyń 7 shildedegi dereginshe, AQSh-ta vırýs juqtyrǵandar sany 3 mıllıonnan asty. Bul el – úsh mıllıonnan astam azamatynan COVID-19 anyqtalǵan álemdegi jalǵyz memleket. 

328 mıllıonnan astam halqy bar bul eldiń 130 myńnan astam azamaty koronavırýstan kóz jumǵan. Qazir AQSh vırýs juqtyrǵandar jóninen de, ólim faktsi boıynsha da álem elderiniń arasynda kósh bastap tur. Dúnıejúzi boıynsha vırýs juqtyrǵandardyń tórtten biri dál osy AQSh-ta. 

1,6 mıllıonnan astam halqynan koronavırýs tabylǵan Brazııalııa ekinshi orynda. Bul elde indetten kóz jumǵandar sany 65 myńnan asty.

Mıllıardtan astam halqy bar Úndistan 7 shilde kúni vırýs juqtyrǵandar sany jóninen Reseıden ozyp, úshinshi satyǵa ornyqty. Bul elde indetke shaldyqqandary sany – 721 310, kóz jumǵandar sany –  20 184. 

Sońǵy málimet boıynsha, álemniń 21 elinde koronavırýs juqtyrǵandar sany 100 myńnan joǵary. 

О́tken táýlikte 1109 adamnan COVID-19 tabylǵan Qazaqstan dúnıejúzilik statıstıkada 34-orynda tur.  Qazir elde vırýs juqtyrǵan sany 50 myńǵa jýyqtap, kóz jumǵandar 264-ke jetken.

Worldometers.info saıtynyń dereginshe, dúnıejúzinde búgingi kúnge deıin  11 756 373 adamnan COVID-19 anyqtalǵan. 541 myńnan astam koronavırýstan kóz jumǵan. 

 

 

 

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir