07 Shilde, 2020 NEWS

Álemdegi eń baı adam týraly jeti derek

Getty

Álemdegi eń baı adam Djeff Bezos týraly 7 derekti bile júrińiz.

Ol Kovıd-19 pandemııasy kezinde de ondaǵan mıllıard dollar tabys tapqan. Onyń baılyǵy qazir 171 mıllıard dollarǵa baǵalanady.

Amazon kompanııasynyń basshysy Djeff Bezos tipti adamzat balasyn ǵaryshqa shyǵarýdy josparlap otyr.

Kásipker týraly kóbirek bilgisi keletinder úshin qyzyqty 7 derek:

1. Djeff Bezos bastapqyda Amazon-dy «Cadabra» dep ataǵysy keldi

Bezos ınternet arqyly satyp alýdyń yńǵaılylyǵyn bildirgisi kelip, sıqyrly sóz oılap tapqysy kelgen. Sol úshin kompanııaǵa "Abrakadabra" degen sıqyr sózine uqsaıtyn "Cadabra" sózin oılaǵan. Alaıda keńesshileri oǵan basqasha usynys jasaǵan. Nátıjesinde, Bezos onyń ornyna álipbıdiń birinshi árpinen bastalatyn "Amazon" ataýyn tańdaǵan. Oǵan taǵy bir sebep, Amazon jerdegi eń úlken ózenniń aty boldy, soǵan baılanysty Bezos álemdegi eń úlken kitap dúkenin ashýdy maqsat etken. 

2. Bala kezinen qabileti erte jetilgen

Ol úsh jasynda balalarǵa arnalǵan kereýetti buraýyshpen bólshektep tastaǵan, óıtkeni ol onyń shynymen tósek sııaqty bolǵanyn qalaǵan. Bezos kishkentaı kezinde-aq ınjenerlik sheberligin damytqan. Ol inileri óziniń bólmesine kirmes úshin, bólmesine elektrondyq dabyl ornatqan.

3. Ol kóptegen saıasatkerlerdiń aıyptaýyna ushyraǵan

2018 jyly Tramp Bezosty "satylymǵa salynatyn salyqtan jaltardy" jáne "básekelestikke qarsy is-áreket jasady" dep aıyptaǵan. Bul Amazon aksııasynyń baǵasyn 9%-ǵa tómendetken jáne Bezostyń jeke baılyǵyn 10 mlrd-tan astam dollarǵa azaıtqan.

Djeff Bezosty aıyptaýdy Senator Bernı Sanders "Stop Bezos" aksııasynda jalǵastyrǵan. "Dúnıejúzindegi eń baı adam eń az jalaqy tólenetin jumystarǵa jarnama jasap júr, sonyń saldarynan jumysshylar azyq-túlik mórimen (memleketten tegin azyq-túlik suraý – red) kún kórýge májbúr" dep synaǵan AQSh senatory.

Biraq Bezos buǵan is júzinde jaýap berip, Amazon-daǵy eń tómengi jalaqyny 15 dollarǵa deıin kótergen. Sodan keıin Senator Bernı Sanders "Qazir Bezos myrza men Amazon basqalarǵa úlgi boldy" dep maqtaǵan. Bezostyń aıyptaýdan maqtaýǵa ıe bolýy bul ǵana emes edi. 2018 jyly Bezos "qaıyrymdylyqty az jasaıdy" degen synǵa ushyraǵannan keıin, "Bir Kúndik Qor" degen qaıyrymdylyq aıasynda úısizder men bilim berý salasyna 2 mıllıard dollar aýdarǵan. 

4. Onyń jeke ǵarysh kompanııasy bar

2000 jyly Bezos "Blue Origin" dep atalatyn áýe-ǵarysh kompanııasyn qurdy. Oǵan ol jylyna 1 mıllıard dollar qarjy salady. Bezostyń uzaq merzimdi maqsaty – ǵaryshty ıgerýge kómektesý. Kompanııa birinshi bolyp qaıta paıdalanylatyn zymyrandardy shyǵarǵysy kelgen. Alaıda onyń aldyna Ilon Masktyń "SpaceX" kompanııasy túsip ketti. Degenmen, Djeff Bezostyń qarjylyq múmkindigi Ilon Masktan kóbirek, sebebi, qazir Masktyń baılyǵy 46 mıllıard dollarǵa baǵalansa, Bezostyń baılyǵy 171 mıllırad dollar.

5. The Washington Post gazeti Djeff Bezosqa tıesili

Tehnologııalyq saýatty kásipker gazetti 2013 jyldyń qazan aıynda 250 mıllıon dollarǵa satyp alǵan. Bezostyń basshylyǵymen gazet sıfrlyq dáýirge beıimdeldi. Ony medıa kompanııa retinde qaıta ashqannan keıin ol veb-trafıkti eki esege arttyrdy jáne tipti paıdaǵa aınaldy. Bul onyń búgingi ınternet-jýrnalıstıka álemindegi úlken erligi.

 6. Ol "Star Trek"-tiń fanaty.

Bezos "Amazon Echo" aqyldy dınamıgi de, onyń "Alexa" vırtýaldy kómekshisi de "Star Trek" kompıýterinen shabyt alǵanyn moıyndaǵan. 2016 jyly ol Paramount-ten "Star Trek Beyond" fılminde kameo jasaýǵa ruqsat suraǵan. Kórinis bar bolǵany 8 sekýndqa sozylǵanmen, onyń sóıleý bóligi boldy.

7. Djeff Bezostyń tabysy sekýndyna 2489 dollardy quraıdy.

Business Insider-diń aıtýynsha, Bezos bir apta ishinde jalpy ortasha amerıkalyq  jumyskerlerden eki ese kóp tabys tabady. Bul mınýtyna 149 353 dollar. Ol sonymen qatar "brıtanııalyq monarhııadan shamamen 38%-ke baı" deıdi Business Insider. Bezos bir kezderi McDonald's-ta aspazshy da bolǵan.

Ilmek sózder: baı adam ereksheligi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir