Belgili dızaıner Berik Ysmaılov qaıtys boldy

Búgin, 7 shilde kúni belgili kıim dızaıneri Berik Ysmaılov qaıtys boldy. Bul aqparatty marqumnyń ónerdegi dostary áleýmettik jelide habarlady.

"Koronavırýs elimizge qaýip tóndirgen alǵashqy kúnnen-aq tegin maska tigip, taratyp, búkil shákirtterin sol jumysqa jumyldyrǵan patrıot, tamasha dızaıner, elgezek jan Berik Ismaılov aǵamyzdy da sum ajal, beti jaman indet aramyzdan alyp ketti" dep jazdy jýrnalıst Dana Nurjigit.

Berik Ysmaıylov 1962 jyly 15 naýryzda Qyzylorda oblysynyń Jańaqorǵan aýdanynda dúnıege kelgen. Ol modeler-konstrýktor, halyqaralyq dızaınerler qaýymdastyǵynyń múshesi, "Berik Ysmaıylov" avtorlyq sán salonynyń dırektory boldy.

Indet tarala bastaǵan ýaqytta dızaıner shákirtterimen birge tegin maska tigip taratqan bolatyn.