06 Shilde, 2020 NEWS

Sheteldik mamandar: Tramp Máskeýge jaqyn jerge ıadrolyq qarýlardy kóshirýdi josparlaýda

Deılı Ekspress

Brıtanııalyq "Deılı Ekspresc" basylymynyń aqparatynsha, Tramptyń ıadrolyq qaýpi Reseımen aradaǵy qaıshylyqtyń negizgi "biltesi" bolýy múmkin. 

Basylymnyń jazýynsha, sheteldik qorǵanys mamandary "AQSh prezıdenti Donald Tramptyń Germanııadan Polshaǵa ıadrolyq qarýlardy kóshirý týraly qaýip-qateri Reseımen qarym-qatynastaǵy mańyzdy qadam" dep málimdep, bul qadamnyń Máskeýge ıadrolyq qaýip retinde qarastyrylatynyn eskertken. 

Tramp Berlındi NATO-ǵa tólegen tólemderine baılanysty aıyptaǵannan keıin 9,500 áskerdi Germanııadan shyǵardy.

Amerıkanyń Polshadaǵy elshisi Djordjett Mosbaher Germanııada ornalasqan ıadrolyq zymyrandardy kóshirý týraly "О́ziniń ádil úlesin tóleıtin, qaýip-qaterdi túsinetin jáne NATO-nyń shyǵys qaptalynda turǵan Polsha bul múmkindikterge ıe bolýy múmkin" dep málimdegen. 

KSRO-nyń quramynda bolǵan Polshada mundaı qadam qarama-qaıshylyqty jaǵdaıdy týyndatýy yqtımal.

Brıtanııalyq jáne amerıkalyq aqparattyq jáne qaýipsizdik keńesiniń (BASIC) birlesken dırektory Marıon Messmer "Eýropalyq kontekstegi strategııalyq qaterlerdi tómendetý" dep atalatyn jańa baıandamasynda óziniń alańdaýshylyǵyn jarııalaǵan. Onda ol Eýropadaǵy qaqtyǵystardyń jańa qaýpi týraly eskertý jasaǵan.

– Eger Tramp ákimshiligi ıadrolyq qarýlardy Germanııadan Polshaǵa kóshirer bolsa, Eýropa men Reseı qaıshylyqtary órshýi múmkin, óıtkeni bul Reseı- NATO aktisin buzý bolyp esepteledi, – dep málimdegen.

Ilmek sózder: AQSh Reseı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir