Almatyda Astana kúni merekesi qarsańynda «Alataý sıtı», «Akvarel», «Central Avenue» , «Medeý park», «Terenkýr Terrasa», «Gúlder» 6 turǵyn úı keshenindegi kezekti úıler paıdalanýǵa berilýde.

Bul nysandar Alataý, Bostandyq, Medeý jáne Naýryzbaı aýdandaryn qosa alǵanda, Almatynyń ártúrli aýdandarynda ornalasqan jáne 1,5 myńnan astam páterge eseptelgen. Jańa turǵyn úı keshenderi Almatyny «shetsiz qalaǵa» aınaldyrýǵa múmkindik beredi, ol jerde qalanyń barlyq turǵyndarynda qaı aýdanda turatyndyǵyna qaramastan, kúndelikti qajetti áleýmettik qyzmet túrleriniń jıyntyǵy bolady.

Almaty qalasynyń ákimi Baqytjan Saǵyntaev máseleni ózgertý úshin, qala shetinde turatyn azamattardyń da qala ortalyǵyndaǵy turǵyndar sııaqty qyzmet túrlerine qoldary jetimdi bolýy úshin olardyń ómir súrý sapasyn arttyrýda jaǵdaı jasaý kerektigin bir emes,birneshe ret atap ótken bolatyn.

Almaty ákimi Baqytjan Saǵyntaevtyń tapsyrmasymen qalada baspanaǵa qol jetimdilikti arttyrý boıynsha keshendi jumystar júrgizilýde. 2019 jyldyń 10 maýsymynan bastap búgingi kúnge deıin 3 myńnan astam muqtaj adam baspanamen qamtamasyz etildi. Onyń ishinde 284 kóp balaly otbasy (qalalyq «Baqytty otbasy» baǵdarlamasy boıynsha), 258 kóp balaly jáne tolyq emes otbasylar, múgedek balalardy tárbıelep otyrǵan otbasylar (respýblıkalyq «Baqytty otbasy» baǵdarlamasy boıynsha) jáne 1050 azamat 29 jasqa deıingi jumys isteıtin jastar úshin jaldamaly turǵyn úı baǵdarlamasy boıynsha baspanamen qamtamasyz etildi.

«Osy múmkindikti paıdalanyp, barsha qazaqstandyqtardy Astana kúnimen quttyqtaǵym keledi. Sonymen qatar, osy baǵdarlamany bastaǵan Elbasyǵa alǵysymdy bildiremin. Bul baǵdarlama men sııaqty jastar úshin keremet múmkindik. Baǵdarlama boıynsha usynylǵan baspana óte jaıly, barlyq jaǵdaı joǵary deńgeıde jasalǵan», — dep «Almaty jastary» baǵdarlamasy boıynsha páter alǵan qalanyń jas turǵyny — Aqmaral Maqtabaeva óz oıymen bólisti.

Jaqynda «Almaty jastary 3.0» baǵdarlamasynyń ekinshi kezeńi bastalǵanyn aıta ketý kerek. Turǵyn úı baǵdarlamasynyń biregeıligi tómen paıyzdyq mólsherlemede — 13 mln tg deıingi nesıe jyldyq 5% jeńildikpen beriledi. Sonymen qatar, Almaty qalasynyń ákimi Baqytjan Saǵyntaevtyń bastamasymen atalǵan baǵdarlamaǵa qatysý sharttary jeńildetildi. Sonymen birge, qalada tirkeýge turý talaby alynyp tastaldy. Endi osy sebeppen qabyldanbaǵan ótinishter qaralady, Almatyda eki jyldyq tirkeýi joq jastar da ótinishterin bere alady.

Esterińizge sala keteıik, Almaty megapolıstiń tartymdylyǵyna baılanysty eldegi eń úlken turǵyn úı qoryna ıe. Onda 8,4 myńnan astam kóp páterli turǵyn úı bar. Qazirgi ýaqytta 26 myńnan astam qala turǵyny baspana satyp alý kezeginde tur. Olardyń kóp bóligin halyqtyń áleýmettik álsiz toptaryna jatatyn azamattar quraıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir