04 Shilde, 2020 NEWS

Almatyda Astana kúnine oraı jańa medısınalyq ortalyq iske qosylady

almaty_akimat

Astana kúnin merekeleý qarsańynda Almatyda birqatar nysandar iske qosylady. Olardyń arasynda jaıly, joǵary tehnologııalyq «MIPO» JShS medısınalyq ortalyǵy bar.

Búgingi tańda epıdemıologııalyq jaǵdaıdy turaqtandyrý maqsatynda qala ákimshiligi tarapynan turǵyndarǵa jaqyn mańda ornalasqan medısınalyq qyzmet kórsetý boıynsha qarqyndy jumystar júrgizilýde. «MIPO» medısınalyq ortalyǵy 100 kelýshige arnalǵan, sonymen qatar ońaltýǵa arnalǵan 40 oryn bar. Ortalyqta 80 medısına qyzmetkeri jumys isteıdi, olardyń jumystaryna qajetti jaǵdaılar jasalǵan.

Sońǵy bes jylda Almatydaǵy ambýlatorııalyq-emhanalyq uıymdardyń josparly damý qýattylyǵy 7,4% artty. Sonymen birge, qala halqy osy merzim ishinde 13% -ǵa ósti. Jaqyn mańdaǵy medısınalyq mekemelerdiń kómegine qol jetimdilikti qamtamasyz etý úshin geografııalyq aqparattyq júıe jasalyp, engizilgen. Alynǵan málimetter negizinde dárigerlik ambýlatorııalardy ashý qajettiligi bar jerler anyqtaldy. 2019 jyldan 2021 jylǵa deıin 35 dárigerlik ambýlatorııa ashý jospary jasaldy. 2019 jyly 11 dárigerlik ambýlatorııa ashyldy (1-ýi jergilikti bıýdjet esebinen salyndy).

Sondaı-aq, «Jańa Almaty» keshendi jospary aıasynda aldaǵy 5 jyl ishinde 1 mıllıonnan astam turǵynǵa arnalyp jaqyn mańda qoljetimdi bolatyn qosymsha 19 medısınalyq nysan salynady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir