Almatylyqtardyń ⅔ engizilgen qatań shekteý sharalary kezinde jumys oryndaryn saqtap qalady

«Biz bazalyq ındýstrııany saqtap qaldyq» — qatań shekteý sharalary kezinde almatylyqtardyń ⅔ jumysqa shyǵatyn bolady. Bul jóninde Almaty qalasynyń óńirlik kommýnıkasııalar qyzmeti alańynda Almaty qalasy ákiminiń orynbasary Saparbek Tuıaqbaev aıtyp berdi.

Epıdemıologııalyq jaǵdaı men koronavırýs ınfeksııasymen aýyrý jaǵdaılarynyń kóbeıýine baılanysty Almatyda aǵymdaǵy jyldyń 5 shildesinen 20 shildege deıin qatań shekteý sharalaryn engizý týraly sheshim qabyldanǵanyn eske salamyz.

Atap aıtqanda, qyzmeti toqtatylǵan obektiler qataryna saýda oıyn-saýyq ortalyqtary, jabyq azyq-túlik jáne azyq-túliktik emes bazarlar, aýmaǵy 500 sharshy metrden asatyn azyq-túliktik emes dúkender, oıyn-saýyq ortalyqtary, banket zaldary, SPA-ortalyqtar, trenajer zaldary, fıtnes-ortalyqtar, sporttyq-saýyqtyrý ortalyqtary, basseınder, qalalyq, qoǵamdyq jaǵajaılar, akvaparkter, qoǵamdyq monshalar, saýnalar, sulýlyq salondary, shashtarazdar jáne t. b kiredi.

Sonymen birge, mádenıet nysandarynyń qyzmeti, murajaılardyń, teatrlardyń, kórmelerdiń, dinı jáne adamdar kóp jınalatyn basqa da nysandardyń jumysy toqtatyldy. Jappaı sharalardy ótkizýge qoıylǵan tyıym merzimi uzartyldy.

Onymen qosa, qala ákiminiń orynbasary qatań karantın sharalaryna qaramastan birqatar nysandar men kásiporyndardyń jumysy jalǵasatynyn atap ótti.

«Almatyda jumyspen qamtylǵan azamattar sany – 2 mln, TJ kezinde qalany tirshilikpen qamtamasyz etý úshin nebári 200 myń adam jumysqa shyqty, ol negizgi kórsetkishten bes ese tómen. Engizilgen shekteý sharalarynyń aıasynda búgingi tańda jumys istep júrgenderdiń ⅔-si qyzmetterin jalǵastyratyn bolady. Biz qyzmet kórsetý, saýda, óndiris, qurylystan bastap, bazalyq ındýstrııany saqtap qaldyq. Bir jaǵynan ondaǵy mindetimiz - jumys ornyn, halyqtyń kirisin saqtap qalý bolsa, ekinshi jaǵynan, koronavırýs ınfeksııasynyń jappaı taralýyn toqtatý. Sońǵy aıda kórip otyrǵanymyzdaı, aýyrý (juqtyrý) qarqyny ósýde, osy úrdisti toqtatyp, jaǵdaıdy turaqtandyrý úshin bizge osyndaı sharalardy qabyldaýǵa týra keldi», — dep túsindirdi S. Tuıaqbaev.

Osylaısha, sanıtarııalyq-dezınfeksııalyq rejımdi qatań saqtaý shartymen qyzmetine ruqsat etilgen obektiler qataryna mynalar kiredi:

- medısınalyq ortalyqtar (aldyn ala jazylý boıynsha);
- dárihanalar, azyq-túlik dúkenderi (shaǵyn marketter, sýpermarketter, gıpermarketter), azyq-túliktik jáne azyq-túliktik emes bazarlar (ǵımarattan tys);
- ashyq aýada jáne zalda 30-dan aspaıtyn otyratyn oryn ornatýmen úı-jaıda jumys istegen jaǵdaıda qoǵamdyq tamaqtaný obektileri. Jumys daǵdyǵa jáne jetkizýge ruqsat etiledi;
- úzdiksiz óndiristik sıkli bar ónerkásiptik kásiporyndar; sondaı-aq ashyq aspan astynla júrgiziletin qurylys jumystary.

Sonymen qatar, qalanyń tynys-tirshiligin qamtamasyz etetin uıymdar men kásiporyndar qyzmetkerleri turatyn obektilerdi qospaǵanda, kúsheıtilgen sanıtarlyq-dezınfeksııalyq rejımdi saqtaı otyryp, halyqtyń (qonaq úıler, qonaq úıler, demalys úıleri, týrıstik bazalar jáne t.b.) turýy boıynsha qyzmet kórsetý salasyndaǵy týrızm obektileri men uıymdar qyzmetine shekteý qoıylǵan.

Birqatar nysandardyń qyzmetine jumys kestesi boıynsha shekteýler engizildi. Mysaly, bıznes-ortalyqtar (saqtandyrý kompanııalary, notarıýs, býhgalter, konsaltıng agenttikter, jyljymaıtyn múlik agenttikteri, jarnama agenttikteri jáne t.b.), aıyrbastaý pýnktteri, lombardtar jumys jáne demalys kúnderi saǵat 9.00-den 17.00-ge deıin jumys isteıtin bolady.

Halyqqa baılanyssyz qyzmet kórsetetin birqatar obektilerdiń jumysy (avtomobıl jýý, avtomobılderdi jóndeý, turmystyq tehnıka, hımııalyq tazalaý jáne t.b.) jalǵastyryldy. Olar kúsheıtilgen sanıtarııalyq-dezınfeksııalyq rejımdi saqtaı otyryp, saǵat 10.00-den 17.00-ge deıin jumys isteı alady.

Sonymen birge, qalada qoǵamdyq oryndar men jumystary jalǵasa beretin nysandarda shekteý sharalarynyń oryndalýy baqylaýǵa alynyp, monıtorıng jasalady. Tártip buzýshylyq deregi anyqtalǵan jaǵdaıda tıisti ákimshilik sharalary qarastyrylady.