Elbasy koronavırýs indetimen qalaı kúreskenin aıtty (vıdeo)

Elbasy Nursultan Nazarbaev koronavırýs ınfeksııasymen aýyryp jatqan qazaqstandyqtardyń barlyǵyna aman-esen jazylyp shyǵýyna tilekshi ekendigin bildirdi. Bul týraly tuńǵysh prezıdenttiń baspasóz hatshysy Aıdos Úkibaı Twitter paraqshasynda jarııalady.

– Qadirmendi halaıyq! Bárimiz de qıyn kezeńdi bastan keshirip jatyrmyz. Búkil dúnıemen birge kórip jatqan nárse bul. Men ol qıynshylyqtardy óz basymnan ótkizdim. Osy kezde janashyrlyq bildirgen barlyq jerlesterime, otandastaryma shyn kóńilimmen taǵy bir rızashylyǵymdy aıtqym keledi. Sizderdiń Qazaqstannyń ár salasynan, ár túkpirinen, ári ónerkásipten, mádenıetten, sporttan, densaýlyq saqtaý júıesinen maǵan aıtyp jatqan tilekterińizdiń arqasynda kúsh-qýat alyp, emdelip shyqtym. Kóp rahmet. Qazir de syrqattanyp jatqan, qınalyp jatqan jandar bar. Solardyń barshasy aman-esen shyǵady dep senemin. Sebebi oǵan sený kerek. Kónbeý kerek, jeńý kerek. Biz odan kúshtimiz dep sanasańyzdar barlyǵyn jeńemiz. Biz kóp nárseni jeńip kele jatqan batyr babalardyń urpaǵymyz. Qudaı buıyrtsa, budan da ótemiz. Endi meniń týǵan kúnine oraı búkil dúnıejúzinen, Qazaqstannyń túkpir-túkpirinen quttyqtaýlar men izgi tilekter alyp, oqyp jatyrmyn. Quttyqtaý joldaǵan barlyq shet memleketterdiń basshylaryna, qaıratkerleri men saıasatkerlerine jáne qazaqstandyqtarǵa rahmetin aıtqan Tuńǵysh Prezıdenti barshaǵa shyn kóńilinen úlken tabys, baqyt tileımin. Elimiz aman, jurtymyz tynysh bolsyn. Bul náýbetten de biz ótemiz. Erteńgi kúni júzimiz jarqyn bolyp, talaı kezdesetin bolamyz, – dedi QR Tuńǵysh Prezıdent.

Elbasy Qazaqstan halqyna jyly lebizderi men qoldaýy úshin rızashylyǵyn bildirdi pic.twitter.com/TwRrmKylon

— Aidos Ukibay (@Aidos_Ukibay) July 6, 2020