03 Shilde, 2020 NEWS

Almatylyqtarǵa AÁK rásimdeý úshin bólimderge barmaý ótinishi jasaldy: ótinishter avtomatty túrde rásimdeledi

gov.kz

Almaty qalasynyń óńirlik kommýnıkasııalar qyzmetiniń alańynda ótken onlaın brıfıng barysynda Almaty qalasynyń Áleýmettik ál-aýqat qory basqarmasy basshysynyń orynbasary Danııar Álkebaıuly karantın jaǵdaıynda ataýly áleýmettik kómek alýshylardyń tizimi qalaı jasalatynyn aıtty.

Eske sala keteıik, memleket basshysynyń tapsyrmasymen shyndyqty, ádilettikti jáne eńbekke yntalandyrýdy qamtamasyz etý maqsatynda 2020 jyldyń basynan ataýly áleýmettik kómek kórsetýdiń jańa tetigi engizildi. AÁK kórsetýdiń jańa tetigi AÁK taǵaıyndaý úshin toqsan saıyn qujattardy qaıta tapsyrýdy qarastyrady.

Buǵan deıin, aǵymdaǵy jyldyń ekinshi toqsanynda tótenshe jaǵdaıdyń egizilýine baılanysty, sonymen qatar kórsetiletin qyzmetti alýshymen tikeleı qatynasty boldyrmaý maqsatynda AÁK taǵaıyndaý merzimi avtomatty (ótinishsiz) túrde uzartyldy.

«Búgingi kúngi koronavırýs indeti boıynsha jaǵdaıdy eskere otyryp, sonymen qatar kórsetiletin qyzmetti alýshymen tikeleı qatynasty boldyrmaý úshin Mınıstrlikpen AÁK alýshylary júginýisiz a. j. 2 toqsany tabysy negizinde aqparattyq júıede avtomatty túrde ótinish qalyptastyrýdy qarastyratyn buıryq jobasy daıyndalýda», — dep túsindirip ótti Danııar Álkebaıuly.

Ol atalǵan sharalardyń azamattardyń qaýipsizdigi úshin, sonymen birge tikeleı baılanysty boldyrmaý úshin qajet ekenin atap ótti.

«AÁK alýshylary bolyp tabylatyn azamattarǵa 2020 jyldyń 3 toqsanyna qujattardy qaıta tapsyrý úshin aýdandyq áleýmettik ál-aýqat bólimderine júginbeýlerin suraımyz. Atalǵan azamattardyń ótinishteri aqparattyq júıe arqyly avtomatty túrde qaralady», — dep atap ótti qalanyń Áleýmettik ál-aýqat basqarmasy basshysynyń orynbasary.

Sonymen birge, AÁK-ge ótinish usynbaǵan azamattar karantın rejımi kezeńinde AÁK taǵaıyndaý úshin «Elektrondyq úkimet» portalynyń (egov.kz) «Elektrondyq ótinish» paraqshasy arqyly jeke basyn kýálandyratyn qujatty qosa usyna otyryp, ótinish bere alady.

Aǵymdaǵy jyldyń 1 shildesindegi jaǵdaı boıynsha AÁK 4419 otbasyǵa (22 000 adam) tólendi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir