06 Shilde, 2020 NEWS
Sýret SIM saıtynan alyndy
Búgin, 6 shildede Grýzııa astanasy Tbılısıden Almatyǵa ókpeni jasandy jeldetý apparattary jiberildi. Bul týraly Qazaqstan syrtqy ister mınıstrliginiń baspasóz qyzmeti habarlady.
Mınıstrlik saıtynda jarııalanǵan aqparatqa qaraǵanda, ókpeni jasandy jeldetetin 10 apparatty gýmanıtarlyq kómek retinde "Grýzııanyń ındýstrııalyq toby" dırektorlar keńesiniń tóraǵasy Davıd Bejýashvılı jibergen.
"Bul apparattar Nur-Sultan qalasyndaǵy medısınalyq mekemelerge taratylady. Qazaqstan SIM dostas Grýzııa halqyna, "Grýzııa ındýstrııalyq tobynyń" basshysy Davıd Bejýashvılıge koronavırýs pandemııasymen kúreste kórsetken qoldaýy úshin alǵysyn bildiredi" delingen SIM-niń habarlamasynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir