Astana kúnine oraı Shyǵys Qazaqstan oblysynda 31 nysan ashylady

Shyǵys Qazaqstanda elordanyń 22 jyldyǵy «Jumyspen qamtýdyń jol kartasy» memlekettik baǵdarlamasy aıasynda paıdalanýǵa berilgen áleýmettik nysandardyń ashylýymen atap ótiledi.

Jarma aýdanynyń Qapanbulaq, Qońyrbıik, Keńtarlaý aýyldary men Tarbaǵataı aýdanynyń Mańyraq aýyldaryna sapaly aýyz sý keldi. Munda jańa sýmen jabdyqtaý jelilerin salý jobalary iske asyryldy.

Mereke qarsańynda Shyǵys Qazaqstandaǵy Aıagóz aýdanynyń 4 aýyly men Jarma aýdanynyń 2 aýylynda fýtbol, voleıbol, basketbol jáne kóshe jattyǵýlaryna arnalǵan sport alańdary ashyldy.

Borodýlıha aýdanynda «Jan”a Dem» mádenı-demalys ortalyǵy ashyldy. Mádenı ortalyqtyń ashylýyn kópten kútken aýdan turǵyndary úshin bul úlken qýanysh boldy.

Oblystyń qala men aýyldarynda balalar alańdary, abattandyrylǵan baqtar men alleıalar salyndy. Elorda kúni qarsańynda salynǵan bul nysandar halyqtyń esinde uzaq ýaqyt boıy saqtalatyny sózsiz.

Astana kúninde Shyǵys Qazaqstan oblysynda birqatar is-sharalar ótiledi: О́skemen qalasy men Jarma aýdanyndaǵy kópbalaly otbasylarǵa páterdiń kilti tabystalyp, jańa mektep paıdalanýǵa berilmek. Sondaı-aq oblys ortalyǵyndaǵy Nursultan Nazarbaev dańǵylynda saıabaq ashylady.

ShQO aqparat ortalyǵy