Tramp: Tarıhı músinderdi qulatqandar 10 jylǵa sottalady

Donald Tramp AQSh táýelsizdik kúninde sóılegen sózinde tarıhı músinderge zalal keltirgen ashýly toptar kem degende 10 jylǵa sottalatynyn málimdedi. Bul týraly Qamshy tilshisi Twitter-ge silteme jasap habarlaıdy.

О́zin solshyl ekstremızmge qarsy qorǵaýshy retinde kórsete otyryp, koronavırýstyq pandemııa týraly málimdemeler jasaǵan AQSh prezıdenti táýelsizdik kúninde tarıhı músinderdi qıratqandar "AQSh tarıhyn óshirýge tyrysady" dep aıyptady.

Donald Tramp násildik tártipsizdikti "tarıhymyzdy óshirý, batyrlarymyzdy qorlaý, qundylyqtarymyzdy joǵaltý jáne balalarymyzdy tárbıeleý jónindegi qatygez naýqan" dep atady.

– Federaldy agentter Vashıngtondaǵy uly Endrıý Djeksonnyń músinine zalal keltirýge jetekshilik etken kúdiktini qamaýǵa aldy. Odan ózge júzdegen adam qamaýǵa alyndy. О́tken aptada amerıkalyq eskertkishter men músinderdi qorǵaý týraly buıryqqa qol qoıdym. Bizdiń eskertkishterimiz ben músinderimizdi búldirgender kemi on jylǵa túrmege otyrǵyzylady, – dedi Tramp.