05 Shilde, 2020 NEWS

Koronavırýsqa qarsy vaksına kimderge salynady?

cominf.org

QR Densaýlyq saqtaý mınıstrligi koronavırýsqa qarsy vaksına qandaı sanattaǵy azamattarǵa egiletinin aıtty.

"Koronavırýs ınfeksııasyna qarsy vaksına jasaýdy josparlaý vaksına ázirlenip, klınıkalyq synaqtan ótkennen keıin jáne preparat baǵasy anyqtalǵannan soń bastalýy múmkin. Qazirgi ýaqytta vaksına áli ázirlenbegen jáne onyń baǵasy da aıqyndalǵan joq" delingen mınıstrlik taratqan habarlamada.

Vedomstvonyń atap ótýinshe, vaksına 65 jastan asqan, júrek-qan tamyry aýrýy, qant dıabeti jáne sozylmaly ókpe aýrýlary bar táýekel tobyna kiretin adamdarǵa jáne medısına qyzmetkerlerine salynatyn bolady.

Aldyn ala boljam boıynsha vaksına 2 347 000 jýyq adamǵa salynady.

Eske sala keteıik, elde vırýs juqtyrǵandar – 47 171, onyń ishinde jazylyp shyqqany – 15 556, qaıtys bolǵandar – 188.

Ilmek sózder: koronavırýs Qazaqstan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir