04 Shilde, 2020 NEWS

Úshinshi dúnıejúzilik soǵys qateri: Qytaı Úndistanǵa qorqynyshty eskertý jasady

Daily Express

Qytaı áskerı zymyran synaqtarynyń qorqynyshty kórinisterimen Úndistanǵa eskertý jasady. Bul týraly Qamshy tilshisi Daily Express gazetine silteme jasap habarlaıdy.

Úndistan premer-mınıstriniń shekaradaǵy daýly aımaqqa saparynan keıin Beıjiń Qytaı armııasynyń kúshin kórsetetin jańa áskerı úgit-nasıhat vıdeolaryn shyǵarý arqyly qorqynyshty eskertý jiberdi.

Beıjiń búgin áskerı úgit-nasıhattyń jańa beınesin shyǵardy. Onda Qytaı qarýly kúshteri túngi aspandy zymyrandarmen jarqyratty. Jańa beınebaıannyń túsirilý ýaqyty Úndistan premer-mınıstri Narendra Modıdiń Ladah daýly shekaralas aımaǵyna barǵannan birneshe saǵat ótken soń bolǵan. Ladahta ondaǵan áskerdiń ómirin qıǵan Qytaı men Úndistan arasyndaǵy shekaralyq qaqtyǵystar oryn alǵan.

Qytaıdyń memlekettik medıasy "Global Times" jarııalaǵan eń sońǵy vıdeo Shyńjańǵa jaqyn jerde túnniń ortasynda "tiri jattyǵýdy" kórsetti.

Twitter-de jarııalanǵan vıdeoda "Qytaıdyń # Shyńjańdaǵy #Halyqty azat etý armııasy sarbazdarynyń qarýly jattyǵýlaryn kórińiz" dep jazylǵan.

Vıdeoda zymyrandar, tankter men áskerlerdiń barlyǵy Úndistanmen shekaradaǵy shıelenis jaǵdaıynda qaqtyǵystarǵa daıyndalyp jatqanyn kórýge bolady.

Odan sál erterek Úndistan premer-mınıstri Modı daýly shekara aımaǵyna saparynda jaralanǵan áskerılerge úndeý tastaǵan.

Úndistan premer-mınıstri shekaradaǵy sarbazdarǵa "Úndistannyń jaýlary sizderdegi ot pen qahardy kórdi. Sizderdiń batyldyqtaryńyz bárinen joǵary. Sizder jáne sizderdiń otandastaryńyz kórsetken erlik álemge Úndistannyń kúshin kórsetti" jáne "ekspansıonızm ǵasyry aıaqtaldy" degen bolatyn.

Aıta keteıik, maýsym aıynyń ortasynda bolǵan shekaralyq qaqtyǵysta keminde 20 úndistandyq áskerı qaza taýyp, kem degende 76 adam jaralanǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir