04 Shilde, 2020 NEWS

Túrkistan oblysynda karantındi shekteý sharalary uzartyldy

trikky.ru

Túrkistan oblysynda karantındi shekteý sharalary 5-nen 19 shildege deıin uzartyldy.

Qaýipti indettiń taralýyn aldyn alý maqsatynda kınoteatrlardyń, túngi klýbtardyń, sport, fıtnes, jattyǵý zaldarynyń, saýda oıyn-saýyq ortalyqtarynyń, saýda úıleriniń, saýda-oıyn-saýyq keshenderiniń janyndaǵy balalardyń oıyn alańdarynyń, qosymsha bilim berý boıynsha mektepten tys uıymdar, kompıýterlik klýbtar, karaoke, bılıard, boýlıng ortalyqtarynyń, fýdkorttardyń, banket zaldarynyń, sport keshenderiniń qyzmeti toqtatylady.

Kúsheıtilgen sanıtarııalyq-dezınfeksııalyq rejımdi saqtaı otyryp, qonaq úıler men sanatorıılerdi qospaǵanda, týrızm nysandary men basseınder, jaǵajaılar, akvaparkter qyzmetine de tyıym salynady. SPA ortalyqtary, monsha jáne saýnalardyń jumysy toqtatyldy.

Mádenıet nysandary men murajaılar jabylatyn boldy. Menshik nysanyna qaramastan mektepke deıingi balalar mekemeleriniń qyzmeti toqtatylyp, bilim berý uıymdary qashyqtan oqytý júrgizedi dep sheshildi. Sonymen qatar, azyq-túlik jáne azyq-túlik emes jabyq bazarlar, avtomobıl, kıim-keshek, mal bazarlary men adamdar kóp jınalatyn basqa da nysandardyń jumysy toqtatylmaq.

Sulýlyq salondary men shashtarazdar, dinı nysandar da jabyldy. 65 jastan asqan adamdarǵa asa qajetsiz kóshege shyǵýy shektelip, 14 jasqa deıingi balalardyń eresektersiz júrýine bolmaıtyny eskertildi. 3 adamǵa deıin kóshelerde, saıabaqtarda, alańdarda, sýburqaqtarda, jaǵalaýlarda, skverlerde halyqtyń júrýi shekteldi. Qalaaralyq, aýdanaralyq jolaýshylar tasymaly toqtatyldy.

Sondaı-aq, jerleý is-sharalaryn júrgizý kezinde keminde 2 metr qashyqtyqty saqtaı otyryp, 20 adamǵa deıin (otbasy músheleriniń) jınalýǵa ruqsat etiledi.

Oblys aýmaǵynda betperde kııý tártibi saqtalmaq. Azyq-túlik bazarlary jumys kúnderi saǵat 10.00-den 16.00-ge deıin, senbi-jeksenbi kúnderi saǵat 08.00-den 13.00-ge deıin jumys isteıdi. Azyq-túlik emes bazarlarynyń jumysy (dúısenbi-juma) saǵat 10.00-den 16.00-ge deıin shektelse, demalys kúnderi (senbi-jeksenbi) jabyq.

Sýpermarket, mınımarketter, sondaı-aq úı janyndaǵy dúkenderdiń jumys rejımi jumys kúnderi (dúısenbi-juma) saǵat 10.00-den 21.00-ge deıin, demalys kúnderi (senbi-jeksenbi) saǵat 10.00-den 18.00-ge deıin ǵana sozylatyndyǵy kórsetilgen.

Qurylys dúkenderiniń, optıka, gúl dúkenderiniń, zoomagazınderdiń jumysy jumys kúnderi (dúısenbi-juma) saǵat 10.00-den 18.00-ge deıin shekteledi, demalys kúnderi (senbi-jeksenbi) jumysy toqtatyldy.

Tehnıkalyq qyzmet kórsetý stansııalarynyń, avto jýý oryndarynyń, dóńgelek jóndeý, avtobólshekter dúkenderiniń, avtosalondardyń jumysy saǵat 9.00-den 18.00-ge deıin shekteldi.

Fastfýd, jumsaq balmuzdaq, sýsyndar, satý dúńgirshikteriniń jumys kúnderi (dúısenbi-juma) saǵat 10.00-den 18.00-ge deıin shektelip, demalys kúnderi (senbi-jeksenbi) jumystary toqtatylady;

Qoǵamdyq kólikter saǵat 06:00-den 10:00-ge deıin jáne keshki saǵat 17:00-den 21:00-ge deıin júredi. Sanıtarlyq-dezınfeksııalyq rejımdi saqtaı otyryp, qoǵamdyq tamaqtaný obektileri 30 orynǵa deıin, al ashyq jazǵy alańdardyń jumysy saǵat 10.00-den 21.00-ge deıin shektelmek.

 

Ilmek sózder: Túrkistan karantın

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir