04 Shilde, 2020 NEWS

Dúnıejúzinde koronavırýs juqtyrǵandar sany 11 mıllıonnan asty

Kórneki sýret

Dúnıejúzilik densaýlyq saqtaý uıymynyń 4 shildedegi deregine saı, álem elderinde koronavırýs juqtyrǵandar sany 11 mıllıonan asyp ketti. COVID-19-dan ólgender sany – 529 197 adam. 

Juqtyrǵandar jóninen de, ólim faktisi boıynsha da AQSh kósh basynda tur. Bul elde 2 890 588 adam indetke shaldyqqan, 132 101 adam kóz jumǵan. Ekinshi orynda turǵan Brazılııada koronavırýsty 1 543 341 adam juqtyryp, olardyń 63 254-i ólgen.

Úshinshi, tórtinshi orynda turǵan Reseı men Úndistanda indetke shaldyqqandar sany 600 myńnyń ústinde. Biraq bul eki elde de ólgender sany 20 myńǵa jetpeıdi. Reseıde – 9859 adam, Úndistanda – 18699 adam kóz jumǵan. 

Ispanııa, Perý, Chılı, Ulybrıtanııa, Meksıka, Italııa, Iran, Pákistan, Túrkııa, Saýd Arabııa syndy 10 memlekette koronavırýs juqtyrǵandar sany 200 myńnyń ústinde. Al Germanııa, Ońtústik Amerıka, Fransııa, Bangladesh, Kolýmbııa, Kanada sııaqty 6 elde vırýs juqtyrǵandar sany 100 myńnan asqan.

О́tken táýlikte 1644 adamynan vırýs tabylǵan Qazaqstan dúnıejúzilik statıstıkada bir saty joǵarylap, 35-i orynda tur. Qazir elde COVID-19-dy juqtyrǵandar sany 45 myńnan asty. Al Qazaqstannan bir oryn joǵary turǵan Ýkraında 46 763 adam indetke shaldyqqan. 

Ilmek sózder: Koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir